Versamelde gedigte

XXXVI

Vleg vir my bruid 'n mirtekrans;

Gee haar 'n lelie in die hand

En lei haar uit en laat haar dans -
Dit is jou laaste, laaste kans,

Want môre is sy uit die land.

Haar oë is helderder as lig

Op bruilofsmôre. Bitter nag

As eens my laaste liefde-plig
Dit is haar oë toe te dig

En sugtende te sê: ‘Goeiendag!’

Haar hand is teer, deur liefdetrou

Op bruilofsmôre. Bitter wee

As eenmaal nie my siel berou
Om sag haar hande toe te vou,

En alles, alles, af te gee.