Versamelde gedigte

XXV

'n Ander oom sê plegtig: ‘Nee!’

En klop sy pyp uit teen die wiel,

‘Dis maar 'n fabel sonder siel;

Ek kan jul iets veel beter gee.’

En toe sy tabak plesierig brand

En blou-grys kringe boontoe stoot,

Toe hurk tesame klein en groot

Om toe te luister op die sand -

Want hy is uit die Boland; hy

Het eenmaal daar 'n held aanskou

In kinderjare en onthou

Die storie wat 'n naam moet kry.