Versamelde gedigte

(1980)–C. Louis Leipoldt– rechtenstatus


XX Die see is wild, die see is blind: Hy slaan so oor die rotse grof; Véraf nog dreun sy donder dof, En oor hom huil die noordewind.
[pagina 58]
Die wind is wild, die wind is kwaai: Hy gons die bome deur en breek Die takke van die stam en steek Die haelbui aan met sy lawaai. Die hael is wild, die hael is sterk: Hy maak die see se branders glad En stamp die koringvelde plat En breek die sekretaars se vlerk. Nog wilder as die see en wind, Nog strammer as die haelstormnood, Nog blinder as dié drie - die Dood, Wat op jou voorkop sit, ou vrind!