Versamelde gedigte

Die doringboom

Kyk, hier is 'n ou kameeldoring, amper kaal -

Sy blaartjies vuil en donkerbruin verbrand;

Sy stam gestrooi met geelgrys stof en sand;

Sy dorings wit soos silwer, skerp soos staal.
Hier staan hy nog, hoe dor die veld en skraal;

Hou stewig nog teen wind en storm sy stand -

Die oudste doringboom in ons doringboomland,

Wat reeds sy bloeityd tel vir honderdmaal.
Vir jare het hy hier sy goud gestrooi,

[p. 31]

 

Die hele wêreld oor sy geur versprei,

 

Vóór nog 'n witmens hier was of 'n pad.

 

Vir jare was hy bobaas hier, en mooi

 

Vol groen en goud; maar nou's sy tyd verby -

 

'n Afgeleefde doringboom, droog en glad!