Versamelde gedigte

Aan 'n ou boek

Op die solder, waar die rotte

Hulle neste altyd bou,

Waar die vlermuise en motte

Elke aand kommissie hou,

Het ek jou gevinde, ou maat; en jou maters lê daar nou.

Vóór ons voorgeslag gebore

Was, het mense jou gelees;

Monnik, ridder, lank tevore,

Was met jou al maats gewees,

En hul het hul siek gelag oor al jou vuur en al jou gees.

Baie jare al gelede

Lê jy op die solder daar,

Rustig in jou rus, tevrede

Met jou lot, van jaar tot jaar.

Ou maat, waarom het die rotte vir ons al jou gees gespaar?