Middelnederlandsche dramatische poëzie

[p. 181]

⁺Een tafelspeelken van twee personagen om up der Drij Conijnghen avond te spelen.

 

Ghewonelicke vruecht.

 

Holla! Ic hadde daer bijcans ghevallen!aant.

 

Ic hoorde hier zo groote ghescallen,

 

Dus moestic commen binnen ghestreken.

 

Comt inne, tes ghenouch ghekeken,aant.

5

Ende groet den conijnc, alzoot betaemt,

 

Sonder langhe dralen.

 

Alwarigh Voortsel.

 

Ic ben al te zeer beschaemt;

 

Doettet ghije: ghij connet alte wel.

 

⁺Ghewonelic vrueght.

 

Wa, neen, ghij heet Alwarigh Voortstel;

 

Van u zo meughenze zeer zijn verhuecht.

 

Alwarich.

10

Neen, groeten ghije; ghij heet Ghewonelic Vruecht;

 

Bij uwer duecht veel droufheyt vergaen es.

 

Ghewonelicke.

 

Ghewonelicke vruecht nu verre ghedaen es

 

Midts Pieter Dier tijt, die nu voorhanden es,

 

Niet alleen hier maer in allen landen es;

15

Die doet ghewonelicke vruecht verdrooghen,

 

Soot blijct voor ooghen.

 

Alwarigh.

 

Willic mij dan pooghen

 

Om te groeten den conijnc van hoogher fame?

+ 7a

+ 7b

[p. 182]

 

Ghewonelicke.

 

Ja ghij, en trauwen.

 

Alwarigh.

 

God moet u groeten, heer conijnck verheven,

 

Ende al tghezelschap groot ende cleene.

20

Wij commen hier, zeer licht te beene,

 

Tot uwer feeste, zo ghij muecht mercken,

 

Om svruechs versterken.

 

⁺Ghewonelicke.

 

Ons simpel ghewercken

 

Goetwillich ansiet, her conijnc gent,

 

Want wij zullen u gaen schijncken en present,

25

Alzo ic meene.

 

Alwarigh.

 

Een present?

 

Ghewonelicke.

 

Ja.

 

Alwarich.

 

Ic en hebbe gheene.

 

Ghewonelicke.

 

Neen? Hoe stadij alzo? Wat zijdij een slurf!

 

Es daer niet in uwen curf?

 

Ic meene jaet, bij ja bij neen.

 

Alwarigh.

30

Jaet, daer rotelt eenen pickelbeenaant.

 

Ofte eenen steen, ic en weet niet watte.

 

Ghewonelicke.

 

Het es een present alzo ic schatte.

 

Waer pleeghmen pickelbeenen te draghen

 

Up zulcke daghen?

 

Alwarich.

 

Ja, wilt dan ghewaghen

35

Wat wij brijnghen up dit saeijsoen.

+ 8a

[p. 183]

 

⁺Ghewonelicke.

 

Dat zal ic gaen doen

 

Ter heeren dezen conijnc, die de crone draecht;

 

Want wij brijnghen hem een suver maecht,

 

Die een conijnghinne ooc es beseven;aant.

40

Die willen wij hem tot een present gheven

 

Zonder sneven.

 

Alwarich.

 

Heijlaes, ic moeter om beven.

 

Waer es u maecht, wat stadij en calt?

 

Ghewonelicke.

 

Men zalse hier varijnc sien.aant.

 

Alwarich.

 

Hij goer, dat zalt.

 

Wij zullen hier duer u clappen en talen

45

Eenen zac met schande behalen!

 

Maer haddij ghesweghen, ten ware gheenen noot.

 

Ghewonelicke.

 

Noch zegghic, wij brijnghen een maecht mijnjoot;

 

Rasch wilse halen uut uwen curf of mande,

 

Ende gheefse den conijnc; ten es gheen schande.

50

Hij zalder te blijder af zijn van zinne,

 

Want hem wel dient een conijnghinne,

 

Om zijnen tijt wat te vergeten.

 

Alwarich.

 

Helpt tantgapen, tes een mespele.aant.

 

Ghewonelicke.

 

En wiltze niet eten,

 

Maer geefse den conijnc onversaecht,

55

Want dit es de zelve conijnghinne ende maecht,

+ 8b

[p. 184]

 

Daer ic u van te voren af hebbe ghezeijt.

 

Nempse in dancke.

 

⁺Alwarich.

 

Bediet dees mespel upden conijnc snel,

 

Of anders es u ghifte schoone

 

Niet weert een boone.

 

Ghewonelicke.

 

Ten eersten de croone,

60

Die met vijf tacken wert ghezien,

 

Die machmen up eenen conijnc bedien,

 

Wanof den eersten tac mach zijn ghezeijt

 

In alle dijnghen rechveerdicheijt;

 

Den anderen wijsheijt, die enen conijnc betaemt,

65

Of anders en es hij gheenen conijnc ghenaemt;

 

Den derden goedertierentheijt, dats te zijne zaecht;

 

Den vierden voorsienicheijt, den vijften maecht:

 

Dat dient eenen conijnc, zo ie begrijpe,

 

Ende dat de mespele es bruin en rijpe

70

Dat bediet, dat elc conijnc ghepresen

 

Moet hebben een rijpe ende manierlic wesen

 

Up zijn onderzaten tallen stonden.

 

Alwarigh.

 

Tes ontbonden.aant.

 

Ghewonelicke.

 

Waert wel gedaen!

 

Alwarigh.

75

Dat doen de zonden.aant.

 

Ghewonelicke.

 

Tes wel ontbonden.

 

Alwarich.

 

Al ons vermonden

 

Ghewonelicke.

 

Int beste wilt slaen.

+ 9a

[p. 185]

 

Alwarich.

 

Tes wel ontbonden.

 

Ghewonelicke.

80

Waert wel ghedaen!

 

Alwarigh.

 

⁺Orlof, her conijnc, wij willen gaen

 

Als nu te dezen.

 

Ghewonelicke.

 

Die hoochste conijnc (dats Christus gheprezen)

 

Wilt u, her conijnc, ende al te samen

85

In hemelrijcke croonen. Zecht alle Amen.

 

Lanc al tsamen xcviij vs

+ 9b

1. Ghewomelicke - 2. Hs. ghestallen - 5. De afkorting voor conijnc is hier N: - 11. duech - 12. Ghewomelicke Ghewonnelicke - 17. Om was eerst vergeten, maar is er door den afschrijver zelven bijgeschreven. van hoogher fame is door eene veel latere (19de eeuwsche?) hand veranderd in van hooghen leven.

21. Hier heeft dezelfde hand achter feeste boven den regel iets bijgekrabbeld, maar zoo fijn, dat het zelfs met een vergrootglas niet te onderscheiden is. Willems las er echter reene uit. - 23. De afkorting voor conijnc is hier eene groote n. Hetzelfde teeken staat in vs. 51 voor conijnghinne.

36. Ghewonelicke staat onderaan de bladzijde en is nu bovenaan de volgende herhaald. - 46. comijnghinne - 42. calt door den afschrijver verbeterd uit trect - 46. waren noot later verbeterd uit zone - 50. van zinne door den afschrijver verbeterd uit schande - 52. In vergeten stond eerst nog eene h, die door den afschrijver zelven is doorgehaald. - 53. In het tweede woord is geknoeid; er schijnt eerst tantgaten gestaan te hebben. Ghewonnelicke - 54. onversaecht verbeterd uit onviersaecht - 55. Voor conijnghinne de afkorting cŏe

57. Voor snel zal wel ghereijt gelezen moeten worden. - 58. al es - 61. bedien door den afschrijver verbeterd uit bezien - 76. ontbonden achter een door den afschrijver doorgehaald ghedaen