Mi lenga. Deel 2

[p. 58]

Di djestres lesaant.

Advèrbyo:

Un advèrbyo ta modifiká un vèrbo, un adhetivo of un otro advèrbyo. E por ekspresá: tempu, lugá, moda, grado, nùmero, negashon o asershon.

Advèrbyo di lugá:

Alicia a topa nos ei.

Di unda nan a bini?

Unda bosnan a keda?

Aya nan a keda kombersá.

Otro chèmpel ta: Aki, pabow, pariba, na kas, den kaya.

Advèrbyo di tempu

Awor ta e momento di aktwa.

Lo mi mirabo pronto.

Ayera awasero a yobe.

Otro ehèmpel ta: Djis aki, aworó, aña pasá, na 1930.

Advèrbyo di moda

El a kore rápidamente.

Manuel a papya bon.

Carmen a kanta bunita.

Otro ehèmpel ta: Asina, di tal manera, probablemente, malu.

Advèrbyo di grado

E sa mas ku mi.

E wega tabata mashá duru.

E flus ei ta muchu grandi pe.

Otro ehèmpel: Hopi, kasi, un poko, basta, algu, mitar

[p. 59]

Advèrbyo di número

Gabi a yega promé.

El a gana e premyo di dos be.

Tres be el a hinka gol.

Otro ehèmpel ta: Atrobe, nunka, de bes en kwando, semper

Advèrbyo di negashon

Mi no ta bay.

Bo ta gusta keshi? Nò.

Advèrbyo di asershon

Nan ta skuchami? Si.

Otro ehèmpel ta: Kisas, ku tur siguridat, di ningun manera, ni de kapotero.

Tuma nota: Un advèrbyo ta kwalifiká: un vèrbo, un adhetivo o un otro advèrbyo.

Pero .......... un advèrbyo por kwalifiká tambe un preposishon i un konhunshon.

Por ehèmpel:

E para a bula eksaktamente riba mi kabes.

‘Eksaktamente’ ta advèrbyo. ‘Riba ta preposishon.

E tabata sintá práktikamente pafó di kas. “Praktikamente” ta advèrbyo.

“Pafó” ta preposishon.

Un hende ta felis únikamente ora e ta bon di salú.

“Unikamente” ta advèrbyo. “Ora” ta konhunshon.

Mi no ta bay, simplemente pasobra ta hasi kalor

[p. 60]

“Simplemente” ta advèrbyo.

“Pasobra” ta konhunshon.

Tambe un advèrbyo por kwalifiká henter un frase Por ehèmpel. “Desafortunadamente” nos no tabatin tempu’.

‘Milagrosamente nan a skapa’

Advèrbyo kwalifikando un adhetivo

Tonchi ta teribel mal mucha.

‘Teribel’ ta advèrbyo.

‘Mal’ ta adhetivo.

Advèrbyo kwalifikando vèrbo

E ta mira bon.

‘Bon’ ta advèrbyo. E ta bisa algu di ‘mira’;

Advèrbyo kwalifikando advèrbyo

E karpinté ta traha mashá lihé.

‘Lihé’ ta advèrbyo.

‘Mashá’ tambe ta advèrbyo.

Ekspreshon advèrbyal

Ni matá e no ta bay e luga ei.

Si Yanshi no ke tende na bon, l'e tende na malu.

Kon ku bay bini nos a logra.

Den tur esei a bin sali na kla ...........

Sustantivo uzá komo advèrbyo.

Elena ta bisti mashá makaku.

Odulio ta trata su ruman mashá kachó.

[p. 61]

Ehèrsisyo

1.	Menshoná e advèrbyonan den e frase ku ta sigi: 1. Unda bo ta bay? 2. No hasi nada ku e mashin. 3. M'a bebe e remedi; awor mi por traha bon atrobe. 4. Mañan e ta hasi aña. 5. Pa di promé be el a siña ku atenshon. 6. De bes en kwando mi ta mira Yanshi. 7. El a kai duru riba su kabes.
2.	Uza un advèrbyo ku ta kwalifiká henter un frase.
3.	Hopi, kasi, un poko, basta i algu ta advèrbyo di ....
4.	‘Pedritu ta siña fantastikamente bon’.
	Den e frase aki ‘fantástikamente’ i ‘bon’ ta advèrbyo di .............................