Vermakelijcke uyren

De Gheest des Vriendschaps is ghelijck een Goude Keeten.

WAnneer de geest my dwong mijn vriendschap te verbijne
Wat Schaeckels sijnder doe gestrengelt aen de mijne?

't Sijn Schaeckels, wiens waerdy de geest meer als het gout

(Hoe hoogh het is van waerd) in hooger waerden hout;

Wiens pracht, wiens schat, wiens glans, mijn eygen welbehagen
Bequamer niet en weet als in het hert te draghen.
In 't hert. Waerom in't hert? Om dat ick soude toonen
Dat vriendschap niet int oog, maer in het hert moet woonen:

Dat is, dat men voor 't oogh niet toone schoon gelaet,

Maer in't af-wesen rechte vriendschap metter daet.