Oeuvres complètes. Tome VIII. Correspondance 1676-1684

[p. 328]

N^o 2247.
J. Columbus à Chr. C. Rumpf.
29 avril 1681.
Appendice au No. 2246.

La copie¹⁾ se trouve à Leiden, coll. Huygens.

Copia.

Illustrissime Amplissimeque Domine Legate, Domine plurimum observande.

Ex epistolâ, qua Illust. Amplitudo Tua me hoc triduo non gravabatur ornare, perquam gratum ac volupe fuit cognoscere, ferenti D. Bedovaldo Numismata illa memoralia, Amstelodamum, iter prosperum fuisse, Dominumque Mullemannum porro mittenda suscepisse. Quo nomine Illustriss. Dignitati Tuae denuo sic obligor ut qui maximè: optoque, ut faventius coelum occasionem mihi praebeat idoneam, erga tot me beneficijs devincientem, gratum, uti fas piumque fuerit, animum declarandi. Cum Collegâ meo, Cl. Andrea Spole²⁾ statim egi, ut communicaret, si quid de parelijs istis, seu quocunque nomine phaenomenon illud coeleste dicendum est, observasset. Affirmavit se lubentissime facturum, si quid Ill. Dign.^ti Tuae, magnisque illis Hugenijs officiosae praestare posset operae, fassus tamen est, forte fortunâ factum esse, ut ipse quidem meteoron jam dictum non viderit, quae per alios cognovisset, diligenter se perscripturum, id ad ipsum Celeberrimum atque ingeniosissimum D.^num Christianum Hugenium literas hac de [re] daturum; quo se Parisijs olim usum esse familiariter³⁾, memorabat. Perstabam orare, ne differendo diu, gratiam promissi minuat: vel hac hebdomade exeunte, vel exeunte proximâ spero me literis ejus positurum⁴⁾, quas Illust. Ampl. Tuae publicus tabellarius confestim adferet. Alter vero Mathematicus noster. D. Joh. Bilberg⁵⁾ vir politus, et multis Germanorum, inprimis Cl. Wagenseilio⁶⁾ familiaris, hos parelios, quamquam tum forte rusticans, ipse curiosis oculis est contemplatus; is quoque pollicitus est observatiunculam⁷⁾: nam ne quid prolixius commentetur, scriptum de

1) Elle est de la main de C.C. Rumpf.

2) Voir la Lettre N^o. 2243, note 2.

3) En 1667; voir la Lettre N^o. 2250.

4) Voir la Lettre N^o. 2250.

5) Johann Billberg, né en 1650 à Mariestadt, mort en 1717 à Strengnäs. Il fut professeur de mathématiques à Upsal, puis évêque de Strengnäs. On a de lui un traité des comètes, un livre de géométrie élémentaire et divers écrits sur la réfraction astronomique et les calendriers.

6) Johann Christoph Wagenseil, orientaliste, né à Nürnberg le 25 novembre 1633, professeur d'histoire et de droit à Altdorf, où il mourut le 9 octobre 1705.

7) Voir la Lettre N^o. 2249.

[p. 329]

cometis vetat, quod jam jam est publicaturus⁸⁾. Etiam Dn. Rudbeckius⁹⁾ spem nonnullam fecit observationis suae de parelio praegrandi ac raro, quem ante annos complures, una cum Semicirculis paene similibus, notatum sibi esse ajebat; Sed dubitare visus est, reperirine possit Scheda, in quam hanc observationibus conjecerat. Omnes hi tres, ut Suam meamque fidem Illust. Dign: Tuae nunc datam liberare meminerint quam primum, assidué mihi sunt commune faciendi. In posterum si quid hujus vel alterius generis placuerit injungere; nihil gratius optatiusve fieri unquam mihi poterit. Vale, Illust. D.^ne cum Domo Amplissimâ et Illustrissimâ, faveque porro:

Illust. Dignitatis Tuae

Columbo.

Scripsi raptim, nondum cephalalgia liberatus,

Upsaliae 19/29 Aprilis 1681.

A Monsieur

Monsieur Chr. Const. Rumpf, Envoye pour l'Estat des Provinces Unies du pais bas aupres de S.M. de Suede tres humblement à Stockholm.

8) Tractatus de Cometis. Holmiae, 1682.

9) Olof Rudbeck, né à Westeräs, le 13 septembre 1630, connu par sa découverte des vaisseaux lymphatiques. Il fut professeur de botanique à Upsal, où il mourut le 12 septembre 1702.