Oeuvres complètes. Tome VIII. Correspondance 1676-1684

N^o 2125.
Christiaan Huygens à N. Grew.
6 juin 1678.

La copie se trouve à Londres, Royal Society¹⁾.
Elle est la réponse au No. 2120.
N. Grew y répondit par le No. 2130.

Carissime Vir

Semper mihi pulcherrimum magnaeque ad promovendas Scientias utilitatis visum est Regiae Societatis institutum, Itaque diuturnum ut esset semper quoque optavi, et nunc lubens intelligo ab hac cura nihil vos remittere; huc enim spectari existimo quod Illustrissimo Brounckero viribus defesso nobilissimum Williamsonum successorem elegistis, qui, in ea quam obtinet muneris dignitate et prodesse queat Societati; et ob amorem, quo scientias artesque optimas complectitur, nihil magis cupiat. Porro damnum optimi Oldenburgij morte illatum egregie quoque pensatum video, cum jam duo sitis in unius locum sufferti, et merito quidem, quod viri illius diligentiam nemo unus facile aequare potuisset. Tibi vero vir Praestantissime ut bene cedat susceptum offsicium ex animo precor, rogoque ut per te Societas Regia resciscat gratissimo animo me accepisse quod de his rebus certiorem me fieri voluerit commercium literarum quod mihi cum ea per Clar. Oldenburgium intercedebat, perlibenter tua, si liceat, opera continuaturum

1) Elle a été lue dans la séance du 20 juin [V. st.]. Voir Birch, History, T. III, p. 415.

[p. 77]

esse, quandoquidem hoc modo Inventorum actorumque vestrorum particeps fieri spero. De meis nihil equidem polliceri audeam: si tamen occurrerit quod judicium vestrum subire aliquo pacto mereatur communicabo lubens idque vel praecipue mei interesse arbitrabor. Proximum biennium hic in patria exegi, confirmandae valetudinis causa. Itaque magnam temporis partem otiosus sum, neque ita tamen ut non gratissimis studijs aliquid interdum deciderem. Nuper etiam microscopiorum constructioni animum applicui, nova illa observatione excitatus, qua semen Animantium animalculis vivacissimis refertum apparuit, cujus primus auctor Hammius²⁾ quidam perhibetur, Leidae studiorum causa degens. Spectavi hoc aliquoties non sine Admiratione, multasque alias deinceps rerum minutias expendi etiam in lignorum sibris³⁾, quas et ipsi diligentissimi tibi pervestigatas doctissimo commentario testatum fecisti. Paucis post hunc diebus Galliam repetere constitui, ubi siquid ad me literarum dare placuerit, ijs inscribes regionem aedium⁴⁾ quibus habito uti hic subjeci. Vale vir Clarissime non aegre feres quod serius rescribo, Literae enim tuae nescio quo fato, non nisi per menses aliquot postquam scriptae fuerant, in manus meas venere. Dat. Hagae Com. 6 Jun. 1678.

2) Consultez la Lettre N^o. 2117, note 1.

3) Consultez la Lettre N^o. 2134, note 1.

4) La bibliothèque du Roi, rue Vivienne.