Oeuvres complètes. Tome VI. Correspondance 1666-1669

[p. 568]

N^o 275^a.
R. Paget à A. Colvius.
[mars 1656].

La lettre se trouve à Leiden, coll. Huygens.

Reverende atque amicissime Domine Colvi.

Ut tester quantum me affecerit chartula multis nominibus gratissima, revera novellae sidereae¹⁾, quas authoris²⁾ nobilissimi jussu mihi tradidisti³⁾, Carmen hoc⁴⁾ qualecunque è venulâ nostrâ, flevili sane atque pauperculâ profudi; seu potius, quae nostra est in hoc genere tarditas, guttatim expressi. Id si tibi non prorsus oculis ejus indignum videatur, ceu redhostîmentum, beneficii accepti vice, cum tuis ad eundem transmittendum exhibeo. Quid si generosissimus iste heros, promissi perquam liberalis memor, nos hîc etiam aliquando arcanorum istorum, quae primus propalare coepit, epoptos efficiat; ut quod illi nunc lubenter meritoque gratulamur, nobismet solidius gaudeamus. Siquidem Calthovius⁵⁾ noster Telescopium suum aliò amandavit; nisi subindicatae benignitatis participes evadamus, spes ista decollavit. Modo lentes idoneae mihi mitterentur, tubum duodecempedalem, Calthovii dicti auspiciis, propriis sumptibus hîc construi curarem. Sed haec tibi in aurem. Dispiciemus alias latius & coram, quomodo voti istius compotes fieri possimus. Interim valide valeto & amare pergito

Tuum R. Pagetium.

Reverendo Doctissimo Domino A. Colvio.

1) De Saturni Luna Observatio Nova (voir la Lettre N^o. 267, note 1).

2) Christiaan Huygens.

3) Dans une lettre du 18 mars 1656, que nous ne possédons pas (consultez la Lettre N^o. 273).

4) Colvius fit envoyer ce poème, la pièce N^o. 274, à Chr. Huygens, le 29 mars 1656, par son fils N. Colvius.

5) Calthovius demeurait à Dordrecht, où R. Paget et A. Colvius étaient pasteurs.