Oeuvres complètes. Tome VI. Correspondance 1666-1669

[p. 53]

N^o 1548.
Christiaan Huygens à Leopoldo de Medicis.
22 juin 1666.

La copie, le sommaire et la minute se trouvent à Leiden, coll. Huygens.
La lettre est la réponse au No. 1538. Leopoldo de Medicis y répondit par le No. 1557.
Elle a été publiée dans les ‘Lettere inedite’.

Sommaire:
Receu sa lettre du 16 maji 1666. envoiée d'Hollande. pas encore les livres qu'il m'envoie.
Je le remercie cependant de s'estre souvenu de moy. Que je croy que ce seront les decouuertes et disputes arrivees ces dernieres annees entre les Illustres par de la, que j'en ay veu la plus part comme le Ragguaglio de Cassini, ses lettres touchant les ombres des Satellites et de la revolution de Jupiter. Et puis de Mars. Que j'ay veu l'ombre du 3^e Satellite, qu'en 1659 j'ay conclu la periode de Mars a peu pres de 24 heures, mais que je ne l'ay pas publiee a cause que je ne la voyois pas clairement assez. S'il y aura autre chose parmy les livres qu'il m'envoie que j'en diray apres mon sentiment et je ne doute pas que tout ne soit digne de ces beaux esprits.
L'obligation qu'on a à Son Altesse de ce qu'elle excite ces Illustres a travailler sans cesse a ce que le Roy semble de mesme, vouloir favoriser les sciences. Que depuis que je suis veneu par son ordre l'on a commencè a faire quelque travail. qu'il n'y a encore rien d'arrestè et ce que vous scavez. Je n'en dis rien, que quant a mes ouurages j'espere à les faire imprimer icy.

Serenissimo Principi Leopoldo ab Hetruria Christianus Hugenius.

Serenissime Princeps

Litteras Celsitudinis Tuae 16. Maji datas, atque in Hollandiam primum, deinde huc delatas, ante triduum accepi. Libelli vero, quos una cum illis missos scribit, nondum advenere, neque in Hollandia una redditi fuere, longiori forsan maritimo itinere venturi. Caeterum ego mearum partium esse duxi, non dilato in illorum adventum responso, his paucis gratias agere Celsitudini Tuae, cum ob destinatum munus, tum ob humanissimam, qua me dignata est, compellationem. Dum vero, quodnam sit libellorum istarum argumentum, avide expecto, aliquid interea dicere liceat de his, quos jam videte mihi contigit proximis hisce annis, ac gratulari Italiae vestrae, quae doctissimorum virorum studiis atque vigiliis nova coeli arcana in dies nobis patefacit.

Equidem Epistolarum aliquot¹⁾ Clarissimi Cassini, de Comitum Jovialium umbris, nec non de Revolutione hujus planetae circa axem suum, pridem mihi copia facta fuit²⁾ per Dominum Slusium Canonicum Leodiensem, cujus operâ etiam narratiuncula³⁾ novarum observationum Josephi Campani de Saturno antea ad me pervenerat, in qua praeter confirmationem hypotheseos meae de Saturni annulo, egregium Torni inventum ad fabricandas lentes primo propositum inveni. Sicut autem

1) Voir les ouvrages décrits dans la Lettre N^o. 1304, note 5.

2) Consultez les Lettres N^os. 1452 et 1506.

3) Consultez la Lettre N^o. 732, note 10. En outre de Sluse avait fait parvenir à Chr. Huygens la pièce dont il est question dans la Lettre N^o. 1257.

[p. 54]

mihi id prima fronte vix possibile visum est, ita etiam ab alijs deinceps in dubium vocari animadverti, uti et illud quod magis refert, utrum scilicet meliores illae lentes forent, quae torno illo effectae ferebantur, quam quae solità methodo absque machinis ullis formari consueverant, neque adhuc finita est, quod sciam, controversia illa. Cassini autem novam observationem quod attinet de Jovialium Umbris, ea plane egregia, ac felix mihi visa est, neque de rei veritate dubitandum putavi, quemadmodum ab alijs fieri intelligo; ac minus etiam postquam ipse quoque⁴⁾ die 26 Septembris anni praeteriti 1665 umbram Comitis tertij, quam Cassinus comparituram praedixerat, manifeste observassem. Sed et praeclarior altera illius visa est observatio de motu Jouis circa axem suum; nam quanquam maculas in Joue ante illum alij sibi visas disputent, praecipua tamen laus fuit, meo judicio, circumvolutionis tempus continuatis observationibus, exactoque ratiocinio, elicuisse. Vidi postea, et quae de Martis motu tum a Cassino⁵⁾ tum ab Eustachio Divini⁶⁾ prodita fuere. Atque inveni tempus periodicum a Cassino definitum proxime idem esse, quod ego⁷⁾ Anno 1659 sub finem mensis Novembris dierum quatuor observationibus fretus conjeceram. Reperio enim in adversariis meis annotatum, videri revolutiones planetae singulas perfici circiter horis 24. forma autem macularum, quarum recursum observabam, non prorsus similis apparebat ijs, quae Romae Bononiaeque excerptae fuere. Et sane, quia non satis distincte formas eas mihi repraesentari sentiebam, nihil tunc pronuntiandum putavi, sed expectandum donec melioribus telescopijs instructus essem. Et nunc non propterea haec refero quod tantillum laudis hac in re mihi decidi postulem, sed tantum ut periodum a Cassino definitam, meo qualicunque suffragio confirmem; interim tamen, cum non de tempore tantum circumvolutionis macularum, sed et de ipsis earum formis istic litem moveri cernam, quas eodem temporis momento alij aliter descripsere, telescopiis tamen fere aequalibus usi, non levis hic suspicio oritur, nec ab his, nec ab illis, satis accurate evidenterque maculas adnotari potuisse⁸⁾.

4) Consultez la Lettre N^o. 1473.

5) Consultez la Lettre N^o. 1546, note 9.

6) Peut-être Chr. Huygens désigne t-il:
Lettera di Eustachio Divini intorno alle macchie nuovamente scoperte nel mese di Iuglio 1665, nel pianeta di Giove, con moi Cannocchiali, all' illustris. Sign. Conte Carlo Anton. Manzini. Romae 1666. in-12^o.

7) Consultez la Lettre N^o. 1546, note 10.

8) Nous trouvons encore dans la minute ce qui suit:
Ut optandum propterea, et incumbendum sit omni industria, ut telescopiorum effectus praestantia novis conatibus in majus producatur, atque aliquanto quam sumus hactenus propiores, siderum orbibus sistant. Neque vero exiguos stimulos adjicit Celsitudo Tua ad ista tum ad alia, quae de varijs argumentis mathematicis scripsimus edenda, dum lucubratiunculas nostras tamquam alicujus praetij forent, exigere non dubitat. Utinam tantum aliqua ex parte expectationi ejus satisfacere possint. Caeterum mearum partium esse duxi, non dilato in illorum adventum responso hisce paucis gratias agere Celsitudini Tuae cum ob destinatum munus, tum ob humanissimam qua me dignatus est, compellationem uberiorem. Liceat vero gratulari simul Italiae vestrae, quae doctissimorum virorum impigro studio, nova caeli arcana indies nobis impertitur¹⁰⁾¹⁰⁾.

10) Consultez la Lettre No. 1546, note 11.

10) Huygens désigne ici principalement les travaux de G.D. Cassini.

[p. 55]

Quare optandum, ut aucta tuborum longitudine ac virtute paullo adhuc propiores fiamus siderum arcibus ac Cosmographiam istam planetariam aliquando certius, accuratiusque exequamur⁹⁾.

Plurimum iam certe Celsitudini Tuae, et Serenissimo Fratri suo Hetruriae Duci hic debemus, qui studia artificum favore ac benevolentia vestra excitando, non parum proximis hisce annis artem telescopiorum nobilissimam promoverunt, nec dubitandum quin talibus hortatoribus fautoribusque, nova semper incrementa in posterum sumat. Quod si et Galliarum Rex, uti spem fecit, studia Astronomica uti et caetera omnia, munificentia sua juvare in animum inducat, non levem accessionem etiam hinc Dioptricis Machinationibus factum iri auguror. Sed in ipsis adhuc versamur initijs, neque quicquam de successu asseverare ausim, donec quam ratae futurae sint spes nostrae, certius prospicere detur. Ad me quidem quod attinet, sicut a plurimis annis studium hoc adamavi, ita neque in posterum desistere est animus; et spero propediem lucem visura, quae in hoc genere commentatus sum, neque non praxin ipsam hujus artis novis meditationibus experimentisque nostris aliquid opis sensuram.

Quod autem scriptorum meorum editionem Celsitudo Tua deposcere non dubitat, vereor ne de iis melius sentiat, quam promereantur: verum tamen ab admonitione tam benigna animos sumimus, neque desperamus saltem aliquid in iis esse, quod Celsitudini Tuae non sit displiciturum. Pro viribus conabor, ut quamprimum desiderio eius satisfiat. De caetero Deum rogo, ut Celsitudinem Tuam diu incolumem servet.

Chr. Hugenius.

Parisiis 22 Iunii 1666.

9) Nous trouvons encore dans la minute cette phrase:
Nimirum vero tribuit huc quod vero lucubratiunculas nostras Celsitudo Tua exigere non dubitat nimiam perfectionem tribuere.

10) Consultez la Lettre No. 1546, note 11.

10) Huygens désigne ici principalement les travaux de G.D. Cassini.