Oeuvres complètes. Tome III. Correspondance 1660-1661

[p. 429]

N^o 936.
N. Heinsius à C. Dati.
27 décembre 1661.

La lettre a été publiée dans ‘Clarorum Belgarum Epistolae T. 1.’

Viro Clarissimo Carolo Dato Nicolavs Heinsivs S.P.D.

Dvabus Tuis Epistolis debeo responsum, Date iucundissime; quarum priores perbreves illae, & Laconicae, die nono Septembris proxime elapsi, posteriores Novembris octavo erant exaratae. Mediae inter illas intercidisse in itinere videntur; ad me certe perlatae nequaquam sunt. Nam quod in prioribus pollicebare mox fore, ut de Systemate Saturnio iudicium Serenissimi Principis Leopoldi ad nos perscriberes, simulac is id scriptum perlegisset, quod recens tum in manus Tuas pervenerat, huius promissi fidem hactenus desidero. De multis praeterea Tecum egeram per literas, ad quae praeter morem Tuum aut nihil aut parum reponis. De Tubo Hugenii Optico, quod posteriores tuae doceri postulant, scias velim, amicum illum meum non sine multo labore duos manibus suis efformasse, quorum unum servarit sibi, altero donarit Bullialdum nostrum, ut similis tubi obtinendi spes non sit, nisi ab ipso Hugenio obtineatur. Si iubes, ut illud officium ab eo exigam, non dubito gratiae Principis Serenissimi omnia illum daturum; nihil tamen Te inconsulto tentare volui. Si coniectura me non fallit, quae sit ut persuadear periisse in via literarum Tuarum fasciculum, qua via miseris fac sciam, ut ex fuga ac errore, si fieri possit, retrahantur epistolae. Emericum Bigotium¹⁾ vobis adesse gaudeo, quem in potissimis amicis numero. Si certo mihi constaret, in qua Italiae vestrae Civitate pedem fixerit eximius ille iuvenis, eum ipsum per literas compellarem. Menses enim complures sunt, quod omnia Castelvetri²⁾ opuscula, aliosque libellos Rothomagum misi ad paternas³⁾ aedes, de quibus an eo sint perlati, nihil hactenus intelligo. De permutandis libris Arabicis Elzevirios & Blavum rursum conveniam & an conditionem oblatam admittant, ut cognoscas operam dabo. De opere etiam Mathematico Vincentii Viviani rem urgebo. Golium promissi admonere non desino de Pithagoricis Symbolis⁴⁾, quae Arabice extant in Bibliotheca Leidensi, sed,

1) Voir la Lettre N^o. 480, note 4.

2) Ludovico Castelvetro naquit à Modène en 1505, et mourut le 21 février 1571 à Chiavenna. Critique érudit et sévère, il se fit beaucoup d'ennemis par ses polémiques, entre autres avec Annibale Caro. Il eut beaucoup à souffrir comme hérétique et fut excommunié en 1561; depuis, il mena une vie errante.

3) Le père d'Emery Bigot était doyen de la cour des aides en Normandie et demeurait à Rouen; il possédait une fortune considérable et une bibliothèque intéressante de six mille volumes, parmi lesquels se trouvaient plus de cinq cents manuscrits.

4) Consultez la Lettre N^o. 776, note 19.

[p. 430]

ut mirus est procrastinator, nihil hactenus, aut parum promoveo. Interim tradidit specimen hoc Apollonii sui ex Arabico translati, ut conferas cum editione Florentina, quae nunc sub praelo est. Apud nos in literis altum nunc est silentium. Aldobrandini⁵⁾ Laertium⁶⁾ in Anglia edi audio, ubi Epicteti Enchiridion⁷⁾ notis Emerici Casauboni⁸⁾ illustratum nuper prodiit. Scribit ad me Carolus Antonius Puteus⁹⁾ de libro uno alteroque Romae nuper edito, quos ad me perlatos cupit, si viam, qua possint perferri, sciat. Proxime illi respondebo. Specimen Apollonii putabam ad manum mihi esse, sed non est. Id quoque proxime expecta. Vale, meum decus.

Dabam festinans Hagae Comitis mdclxi. die xxvii Decembris.

5) Thomas Aldobrandini, fils cadet du jurisconsulte Silvestro Aldobrandini et frère du Pape Clément VIII (Ippolito Aldobrandini), et du Cardinal Giovanni Aldobrandini, naquit à Rome vers 1540 et mourut au commencement du 17^e siècle. Il fut nommé secrétaire des brefs pontificaux en 1568.

6) Laertii Diogenis de Vitis Dogmatis et Apophthegmatis eorum qui in Philosophia claruerunt; Libri X. Thoma Aldobrandino Interprete cum Annotationibus ejusdem. Quibus accesserunt Annotationes H. Stephani & utriusque Casauboni cum uberrissimis Aegidii Menagii Observationibus. Londini, Impensis Octaviani Pulleyn ad Insigne Rosae in Coemiterio Paulino; Typis Th. Ratcliffe. mdclxiv.

7) Epicteti Enchiridion cum Cebetis Tabula graece & latine, cum notis Merici Casauboni, Acc. Ejusdem Enchiridii Paraphrasis Graeca item paraphraseos versio cum notis Casauboni. Londini. 1659. in-8^o.

8) Méric Casaubon, fils du professeur Isaac Casaubon et de Hermée Estienne, fille du fameux imprimeur Henricus Stephanus II, naquit en 1599 à Genève, et mourut à Londres en 1671. Venu en Angleterre en 1611, il fut créé D.D. à Oxford en 1636, et devint recteur en plusieurs endroits. Il était savant célèbre et publia les oeuvres de son père.

9) Sur Carlo Antonio del Pezzo voir la Lettre N^o. 652, note 7.