Oeuvres complètes. Tome II. Correspondance 1657-1659

N^o 653.
Christiaan Huygens à Fr. van Schooten.
15 août 1659.

La lettre se trouve à Leiden, coll. Huygens.
Fr. van Schooten y répondit par le No. 664.

Clarissimo Viro Domino Francisco Schotenio Chr. Hugenius S.P.

Systematis mei Saturnij¹⁾ duo exemplaria mitto alterum tibi Vir Clarissime, alterum Domino Bornio, ad quem nisi grave est deferri illud curabis. Addo autem et Slusiani mesolabi²⁾ bina alia, ut geometris horum intelligentibus si qui te adibunt ea impertias: nam hoc a me petijt auctor, pluraque in eum finem suppeditavit. Quod si vero et censuram tuam depromere super his volueris, facies illi rem longè gratissimam. Atque hoc etiam majorem in modum de meo hoc opusculo te rogo,

1) Voir la Lettre N^o. 640, note 2.

2) Sur le Mesolabum de de Sluse, voir la Lettre N^o. 563, note 3.

[p. 465]

quod facilius evolvere poteris cum nullae ibi sint geometricae demonstrationes quae te remorari possint. Ex commentarijs tuis Cartesianis³⁾ voluptatem indies, neque exiguam utilitatem capio; nuperque etiam constructionis illius ingeniosissimae Heuratij⁴⁾ ad flexum Conchoidis secretum perspexi, aliamque eadem arte multo faciliorem inveni, per circulum itidem et conchoidem ipsam quae data est. An brevi cum Huddenio ex Gallijs reversurus sit ex te scire cupio. Volumen alterum Epistolarum Cartesij⁵⁾ te vidisse opinor, quod nupere huc allatum est. Paucas tantum adhuc perlegi, sed autore suo dignissimas hoc est rerum ingenijque plenas. Vale.

Dabam Hagae Comit. 15 Aug. 1659.

Myn Heer Myn Heer Fr. van Schooten, Professor der Mathematijcken Tot Leijden.

Inde Heeresteegh.

3) R. Descartes Geometria a Fr. à Schooten. 1659. Voir la Lettre N^o. 306, note 3.

4) Voir les pages 258-262 de la Geometria R. Descartes. 1659; et consulter la Lettre N^o. 641.

5) Voir l'ouvrage cité dans la Lettre N^o. 576, note 11.