Oeuvres complètes. Tome II. Correspondance 1657-1659

N^o 533.
R.F. de Sluse à Christiaan Huygens.
11 octobre 1658.

La lettre se trouve à Leiden, coll. Huygens.

Nobilissime Domine

In aestu maximo sum, quem vt explices rogo: scripsi ad Te¹⁾ iam sunt dies quindecim, et epistolam remisj, quam ad Astronomum Siculum destinaueras, quod ita

1) Voir la Lettre N^o. 520.

[p. 249]

corruptam in manus illius venire non debere iudicarem: maxime cum vererer, ne in numeris (quibus plenam arbitrabar) labes accidisset. Sperabam autem fore vt primo cursore vel aliam vel eandem (si consilium Tibi meum non probaretur) remitteres. Sed secus accidit. Hactenus enim siles, et silentio tuo (veré dicam) me maceras. Vereor enim ne vel meae perierint, vel aliorsum forsitan acceperis quod optimo consilio factum existimabam. Libera igitur me hac sollicitudine, et scito me ex animj tuj sententiâ, et hoc negotium, et aliud quodlibet pro captu meo, sedulo curaturum. Wallisij librum²⁾ a triduo accepj, doctum sane et elegantem. De triumphis illis et ἀλαζονείᾳ quid dicam? Idem illud quod a Te scriptum inuenj, demirarj me diuersa hominum studia³⁾. Addam et aliud quo frequenter vti soleo ὅσον τὸ ϰενόν. Fermatij Problema de circulo, ad calcem operis, generalius est, et porrigitur ad omnes Ellipses, dummodo quadrata aequalium erectarum simul sumpta ad quadratum axis, eandem habeant rationem quam idem axis, ad latus rectum. Sed de his alias. Librum primâ commoditate recipies, cum gratiarum actione quam in antecessum ex nunc rependo. Vale Vir praestantissime meque ama

Tui obseruantissimum Renatum Franciscum Slusium.

Dabam Leodij xi Octob. ciɔiɔclviii.

Nobilissimo et Clarissimo Domino Domino Christiano Hugenio de Zulichem. A la Haye.

2) Le Commercium Epistolicum, cité dans la Lettre N^o. 497, note 3.

3) Ce jugement se trouve aussi dans la Lettre N^o. 431.