Oeuvres complètes. Tome II. Correspondance 1657-1659

N^o 513.
J. van Vliet¹⁾ à Christiaan Huygens.
9 septembre 1658.

La pièce se trouve à Leiden, coll. Huygens.

Nobilissimo Viro Christiano Hugenio Janus Vlitius S.

Verbis dedisti, acceperamque ego verbis

Tuum libellum²⁾, Christiane, lustrator

Sagacis aevi, temporumque librator,

Et Archimedes alter. Ergo sic, inquis,

Perfecta res est prorsus, et nihil restat.

Fateor. Sed illud verba ni dare est, quid sit

Dare verba, tu me nescium doce, quaeso.

Vel si quid ultra non inanis expecto,

Desiderasque gratias tibi reddi,

Momenta vitae ponderare fallacis

Certa molybde te docente quod possim;

At, quod dedisti, Christiane, nunc trade.

1) Jan van Vliet (Janus Vlitius) naquit à la Haye et mourut à Breda en 1666. Il était jurisconsulte, linguiste et poète latin.

2) Voir l'ouvrage cité dans la Lettre N^o. 511, note 2.

[p. 215]

Testes Scazontas hos bona fide allego, quod ultimo officio hinc oras discessurus apud Illustrem Parentem teque et Carissimum fratrem Ludovicum volens defungi non possim. Id epistolium hoc te intercedente velim exequatur; simulque, quod peto (nihil enim mediocriter curiositas mea postulat) obtineat, nisi poenituit voluisse dare. Absit ut hoc verear; quod in Constantem virum, et quidem Constantini Filium non cadit.

Ast tibi quas grates potero, praeclare, referre

Hugeni, saecli palma, decusque tui?

Nam tua nunc-inventa licet super aethera cantu

Tollere, et eximium munus ad astra, velim;

Dicere quid possum, quo tu non plura mereris?

Sidera quae? non sint quae tibi nota magis?

Laude omni cum sis itaque, omni et celsior astro,

Quid superest, tibi quam denique verba dare?

Verba sed affectus animi testantia, grati,

Et non fucatam promeritura fidem.

Adderem, quam meditor, Haganis Amicis xenioli vice relinquere, Oden meam, nisi ultimam manum limamque adhuc desideraret. Habe tamen paucula haec inde excerpta, et si tanti putas, integram³⁾ expecta porro. Vale, Suavissime Hugeni, et me ama.

Si bene quid de te merui, fuit aut tibi quidquam Dulce meum.

Me sed Hugenij, Siculas per artes

Ducta sub magno Genitore triga

Mille delectant noviter repertis,

Mille figuris.

Sive Parnassi avia, sive rerum

Mens sit arcanas penetrare causas,

Sive librato trutinare vitae

Momina plumbo.

Hic novas terras novus Archimedes

Monstrat, et vastos Triviae recessus,

Ausonum et Regis comites, Jovisque

Indice vitro

3) Voir la pièce N^o. 522.

[p. 216]

 

Lynceis quamvis oculis latentes

 

Prodit; ac quidquid procul hinc videtur,

 

Quidquid et visum fugit, intuenti

 

Cominus offert. &c.

Dabam Hagae ix. vii bris die

cIɔ Iɔc lviii .

Nobilissimo Viro Christiano Hugenio. Hagae Com.