Oeuvres complètes. Tome I. Correspondance 1638-1656

N^o 330.
A. Colvius à Christiaan Huygens.
2 septembre 1656.

La lettre se trouve à Leiden, coll. Huygens. Elle est la réponse aux Nos. 321 et 328.

Clarissime Vir,

Bina Lentium paria, Domino Pageto et mihi destinata, iam dudum est, quod accepimus. Haesimus ambo per aliquot dies Amstelodami, ego inaugurationis filij mei¹⁾ gratiâ; quae facta 20 Augusti in Ecclesia Gallo-Belgica Amstelodamensi. Statim à reditu meo tubum confici curavimus, adjuvante nos Kalthovio. Tantum

1) Voyez la Lettre N^o. 273, note 1.

[p. 487]

die Lunae aut Martis proximâ ejus experiundi dabitur copia. Haec est caussa quod tàm tardé tibi agimus gratias, majores post experimenta acturi, pro tàm magnifico dono, per quod aulas caeli poterimus inspicere. quod si fortè aliquid deficiat, ob incuriam Tubi-factoris, ad te tuamque benevolentiam nobis recurrendum erit. Et haec etiam erat caussa nostri silentij. Amstelodami emi Telescopij historiam²⁾ à P. Borello³⁾ conscriptam cui additae sunt observationes tuae saturninae. Quis ille author sit nescio. Excerpta plurima sunt ex alijs authoribus. A te majora, procul dubio, prodibunt. Deus te conservet per multos annos, in nostri saeculi et nationis decus.

Vale praestantissime Domine, et me semper ama.

Dordraci 2 Sept. 1656.

Tuus omni officio

A. Colvius.

Salutat te Dominus Pagetus, et debito tempore gratias acturus.

Mijn Heer Mijn Heer Christiaen Huijgens, van Zulichom.

S' Graven-Haghe.

2) De Vero Telescopii Inventore, cum brevi omnium conspiciliorum historia. Ubi de eorum Confectione, ac Vsu, seu de Effectibus agitur, novaque quaedam circa ea proponuntur. Accessit etiam Centvria observationvm microscopicarvm. Authore Petro Borello, Regis Christianissimi Consiliario, & Medico Ordinario. Hagae-Comitum. Ex Typographia Adriani Vlacq. m.dc.lv in-4^o.

3) Pierre Borel naquit à Castres (Languedoc) vers 1620 et mourut à Paris en 1689. Il était médecin, vint (1653) à Paris, fut nommé médecin ordinaire du roi et devint membre de l'Académie des sciences (1674). Il avoit formé un des cabinets d'histoire naturelle les plus remarquables de son temps, et en donna la description.
Catalogue des raretés de P. Borel. Castres 1645. in-4^o: dont une 2^e éd. en 1649. in-8^o.