Oeuvres complètes. Tome I. Correspondance 1638-1656

N^o 293.
Fr. van Schooten à Christiaan Huygens.
30 mai 1656.

La lettre se trouve à Leiden, coll. Huygens.
Elle est la réponse au No. 288. Chr. Huygens y répondit par le No. 298.

Clarissimo Viro Domino Christiano Hugenio Fr. à Schooten S.D.P.

Quae nuper, Vir Clarissime, de aleae ludo transmisisti mihi, atque eorum versionem, quae ante communicaveras, omnino facilitare queunt, rectè quidem à me

[p. 422]

accepta sunt, atque pro ijs maximas Tibi gratias habeo. Quoniam autem hactenus tantum temporis non contigit mihi, ut quicquam ejusdem versionis adhuc suscipere potuerim, distuli id in commodius tempus, ubi aliorum versione, quae in eodem tractatu praecedunt, ero defunctus. Priusquam verò eorum praelo quidquam committatur, visenda Tibi omnia destinavi, ut, si quid in ijs addere vel mutare volueris, id Tibi integrum sit. Porrò, quae in tractatu, qui inscribitur Wiskonstig Bewijs tu nimia censes, ego quidem quantum ad haec longè aliter statuendum putarem, quippe hic noster Du Boijs in omnibus fermè conventibus ac consortijs, coram Professoribus, Collegis suis, alijsque Viris literatis, quin immò in curribus ac navibus, adeò pertinaciter (licèt ante erroris monitus fuerit) ac audacter se Systema Copernicanum ac Philosophiam Cartesianam funditus evertisse jactabat, ut plures viri cordatiores illi haec ita asseveranti omnino fidem habuerint; illeque non solum post in libello, cui titulus: Naecktheyt der Cartesiaensche Philosophie & c¹⁾ ad eandem extirpandam et multorum intolerabilium criminum suspectam reddendam, sed et ad ejusdem fautores apud vulgus odio prosequendos in concionibus publicis operam dederit. Adeò ut in praedicto libello vix satis, judicio meo, pro merito vapulet ac perstringatur. Nuper hìc apud Bibliopolas folium chartae venale extitit, cui titulus erat: Specilla Circularia²⁾, sed absque nomine Autoris et Typographi in lucem proditum, quod ego cum alijs, propter accurationem, à Te editum credidi, sed, quoniam incertus planè, quid de eo sit, à Te scire aveo, quippe qui in Dioptricis multa ingeniosa hisque similia excogitaveris atque ad foelicem exitum perduxeris. Quae etiam ratio est, ut illud ipsum Domino Wallisio, cui id non ingratum fore credidi, nuper transmiserim; praesertim cum et ille hoc modo, hoc est, viâ Analiticâ, sua, quae de Mathematicis nuperrime edidit, pertractare ac demonstrare non veritus fuerit. Quae de Meibomij tractatu commemoras, mira mihi utique visa sunt, utpote quem in hisce Disciplinis magis semper versatum putavi, quam ut de definitionibus disputationem institueret, quandoquidem ea res, ut rectè judicas, omnino frivola est. Caeterum literae hae ut sub tuarum

1) Naecktheijt van de Cartesiaensche Philosophie, ontbloot in een Antwoort op een Cartesiaensch Libel, genaemt Bewys etc. Door J. du Bois. Utrecht. Joh. van Waesberge. 1655. in-4^o.
Ce pamphlet devait servir de réponse à l'écrit suivant:
Bewys dat het gevoelen van die gene die leeren der Sonne-Stilstand, en des Aerdt-rijcks beweging niet strijdigh is met Gods Woordt. 1655. in-4^o.
Cet écrit est anonyme, mais l'auteur, L. van Velthuysen, s'est fait connaître dans sa réplique, intitulée:
Bewys Dat noch de Leere van der Sonne Stilstant, en des aertryx bewegingh, noch de gronden van de Philosophie van Renatus des Cartes strijdig sijn met Godts woort. Gestelt tegen een Tractaet van J. du Bois, Predikant tot Leyden; Genaemt Naecktheyt vande Cartesiaensche Philosophie ontbloot, &c. Door L.v. Velthuysen. Medic. Doct. t'Utrecht. Gedruckt bij Dirck van Ackersdijck en Gijsbert van Zijll, Anno cIƆIƆclvi. in-4^o.

2) Voyez la Lettre N^o. 286, Note 1.

[p. 423]

ductu, quas Mylonio destinasti, quàm primum ad ipsum amandentur, humiliter rogo. Vale.

Lugd. Bat. 30 Maij 1656.

A Monsieur Monsieur, Christianus Hugenius, ten huijse van Men Heer van Zuijlechem

in

S'Graven-hage op t' pleyn.

cito

cito

port.