Oeuvres complètes. Tome I. Correspondance 1638-1656

N^o 185.
Christiaan Huygens à Fr. van Schooten. 1 avril 1654^a).

La minute et la copie se trouvent à Leiden, coll. Huygens.
Fr. van Schooten y répondit par le No. 190.

Schotenio.

In tractatu meo¹⁾ quem nuper isthuc tibi legendum obtuli, unam demonstrationem deesse dixi regulae cujusdam quae est in problemate ultimo. Eam demonstrationem quo minus nunc mittam inde est quod cogitare coepi an non rectius totam istam partem secundam in qua centrorum gravitatis considerationem adhibeo omissurus sim. difficilè animum induco ut parabolae descriptione ad demonstrandum utar, quod semel jam factum vides et adhuc amplius esset faciendum. Praestabit opinor ut in praefatione subindicem modo propositionem istam quae nunc 19^ma est elici posse ex Theorematibus meis de Quadratura Hyperboles &c. antea editis, atque item regulam istam in 20^mo. ne fortasse alius quis ijs inventis potiora nostris sibi deberi autumet. Sanè minor aliquanto futura est libelli moles, verùm abundè

a) 1 Apr. 1654. inclusas [Chr. Huygens].

1) C'est son ouvrage: De Circuli Magnitudine Inventa. Voyez la Lettre N^o. 191.

[p. 280]

supplebitur si addidero Problematum quorundam illustrium constructiones²⁾ quibus inveniendis satis foelix tibi visus sum. Super his Schoteni Clarissime consulendum te censui. si quid dissentias plurimum judicio tuo concessurus³⁾. Porro scire velim num quid Elzevirijs excudere nostra è re sua videatur. quod jam nuper eos interrogassem nisi quadam autoris commendatione ea in re opus fore intellexissem, quâ quidem meipsum defungi ineptum videatur. Constat mihi distracta jam esse omnia prioris mei tractatus exemplaria. Alter autem iste pluribus longe intelligetur proculdubio, atque expetetur praesertim ob varietatem problematum quae accessura dixi. Quamobrem existimo facile eos in animum inducturos ut omnia suis sumptibus facienda procurent quae ad editionem requirentur. Vellem maturari eam ut absolvi queat priusquam in Galliam proficiscar⁴⁾, quod hac aestate nisi quid obstet facturum est. Inde quum rediero neque enim abero ultra menses 3 quatuorve Dioptricam meam sive quae de Telescopio conscripsi ipsis quoque si velint committam. Si de sententia eorum Tua opera certior fieri potuero, quaecunque futura est, plurimum Tibi eo nomine obstrictum habebis. Vale.

2) On les trouve dans l'ouvrage cité, page. 45-71. Probl. I-VIII.

3) Sur ce sujet, ainsi que sur la question de l'impression, van Schooten répondit dans la Lettre N^o. 190.

4) Ce voyage n'eut lieu qu'en juin 1655.