Oeuvres complètes. Tome I. Correspondance 1638-1656

[p. 278]

N^o 184.
Christiaan Huygens à G.A. Kinner a Löwenthurn.
23 mars 1654.

La minute et la copie se trouvent à Leiden, coll. Huygens.
La lettre est la réponse au No. 177. Kinner à Löwenthurn y répondit par le No. 188.

Kinnero Pragam.

23 Mart. 1654.

Literas tuas quas 28 Februarii dederas accepi 16 Martij cum paucis ante diebus libellus demum Tuus perlatus fuisset qui 7 Januarij abs te discessit. Bene habet tamen quod aliquando ejus mihi copia facta est. Itaque gratissimum venisse scito, et continuo mihi perlectum fuisse et probatum summopere quatenus intricatissimos Patris Gregorij sensus clare intellexisse te comprobas. Breviter sane et perspicuè omnia pertractasti gratulorque adeo tibi egregiam in Geometricis facultatem. At de caetero autem existimo multum tibi debere Patrem Gregorium non eo nomine, quod inventae quadraturae honorem ipsi asserueris sed quod ita perspicuè ipsum sibi intelligendum proponas ut tecum simul veritatem brevi amplexurus sit, nisi libeat in clara luce porro caecutire. Quid enim compertu facilius quam veram non esse propositionem vestram 30^mam. Non vidi equidem quibus rationibus¹⁾ ipsam impugnet Alexius Silvius²⁾. Neque videris mihi male Archimedeam ratiocinationem imitari atque ad rationum proportionem transferre. ac proinde rectè se habet tota propositionis dictae demonstratio praeterquam pag. 45 versu 8^o à fine, ubi sic concludis. Hoc est ratio quae est inter aggregatum &c. Quomodo autem ais Hoc est nisi prius ostendas idem esse sive sumas rationem quam habent omnes denominatores notati signis 1, 2, 3 ad omnes 7, 8, 9. Sive eam quam habet ratio inter aggregatum corporum P, Z, A et aggregatum corporum Q, B, C, ad rationem inter aggregatum corporum R, E, D et aggregatum corporum S, H, G. Hoc enim ex eo non efficitur, quoniam scilicet rationis P ad Q denominator est 1. rationis Z ad B denominator 2, atque ita porro. Alioqui enim semper ita hoc se habere deberet quantarumcunque partium corpora singula statuerentur. Si autem partes rationales assumas adeo ut rationem numerorum inter se habeant bina quaeque

1) Alexii Sylvii, Lunae Circulares Periodi seu Cycli quorum beneficio, Novi-Plenilunia cum Civiliter tum Astronomice facili negotio & exacte reperiuntur.....Adjunctum quoque est Examen quarundam praepositionum Quadraturae Circuli R.P. Gregorii a Sto Vincentio. Lesnae. Typis Danielis Vetteri. Anno 1651. in-4^o.
Un exemplaire de cet ouvrage se trouve dans la Bibliothèque de l'Université de Prague. A Lissa (Leszuo) il y avait une Académie de Frères Moraves qui fit imprimer beaucoup de livres scientifiques et dont Daniel Wetter était l'imprimeur spécial.

2) Il ne nous a pas été possible de trouver quelque renseignement sur Alexius Sylvius lui-même, sinon que probablement il était Polonais.

[p. 279]

corpora, frequenter ad absurdum deveniri animadvertes. Puto jam intelligere te, unicum Hoc est efficere quo minus Quadratura vestra omnibus Geometris approbari possit. Si autem intelligere non vis, equidem verbum amplius non faciam, jamque de duplici Hoc est inter nos dissensus erit, (nosti enim alterum illud Theologicum) neque tamen labem ullam amicitiae afferent mutuae. Dubito planè an vobis assentiat Dominus Marcus Marci, quem scribis de Cyclometria novi quid conscripsisse. quae antehac edidit Antwerpia mihi deferenda mandavi. Et quae promittit valde videre desidero. nam ego quoque quae nuper acceperam jam absolvi minime autem Circuli mensuram. Circa majus et minus versor, et forte similia erunt nostra ijs quae apud vos producentur. Itaque te quaeso ut Autori meo nomine salutem dicas plurimam, rogesque ut Theorema hoc aut aenigma potius explicet: Minor minore incognita. Praecipui inventi mei sensus istis verbis continetur quae facile explanaturus est cui idem obtigerit. Multa autem praeter istud inveni quae et usum et contemplationem pulcherrimam habent adeo ut demonstrata tibi ostendere gestiam. Vale.