Latijnse gedichten 1607-1620

[p. 118]

85 08 05 1612→ Ged., dl. 1 p. 40
Epitaphium carissimae sororis Elisabethae Huygensaant.

O quae per tumulos proterva nostros
lascivo properas, puella, gressu,
ne te paeniteat stetisse paullum
et ter femineo ingemisse fletu.

Hic, hic Elisabetha condor, illa

de vestra modo quae fui caterva,
at nunc nil nisi putridum cadaver,
quod foedum exigua tenetur urna.
Ne me despicias tamen, sub atra
quamvis turpiter hic humo iacentem,
verum hinc disce tuae, puella, sortis
et fati esse memor, tua propinquum
quod forsan magis est opinione.

Annor. 15, 1612.