Latijnse gedichten 1607-1620

[p. 48]

(43 Dialogus Luciani de Venere et Cupidine (Vervolg))aant.

cupido

Thespiades Musas vultu video esse pudico

atque ideo divas has, Cythereia, colo.

Praeterea studiis aut arte tenentur honesta

vel querula chorda carmina grata canunt.

Semper agunt faciles vel cantant voce choreas.

Iuris in his Musis quid meus arcus habet?

Quin etiam assisto captus dulcedine cantus,

saepe voluptates, gaudia saepe fero.

venus

Curnam casta manet, cur non iaculare Dianam?

Illa quoque ostendit Gorgonis ora tibi?

cupido

Illa manet nusquam, sed per nemora avia currens,

insectans lepores, spicula nostra fugit.

Nunc quoque per montes fugitat, nunc abdit in antris

sese, nunc alibi retia tendit apris.

epilogus

Talia de laetis Musis castisque deabus

arcitenens matri verba Cupido dedit.

Quisquis amore tamen liber volet esse, Dianam aut

Pallada debebit Pieridesve sequi.

Anno 1608, annor. xi.