Eenighe gheestelijcke liedekens

[Fraecht des boosdoenders wille quaet]

Na de wijse: Van den 68. ende 36. Psalm. Des boosdoenders wille seer quaet.

[fol. 29r]

1.

FRAecht des boosdoenders wille quaet,⁺
Waer sy menich door valschen raet,⁺
Van Gods volck heeft doen scheuren,⁺
Doenmen seven en vijftich schreef,⁺
Die secte doen haer name bleef,⁺
Des Stadts daerment sach beuren,⁺
Voort in sessensestichste jaer,
Wertmen int selve steetgen waer,
Veel die uyt Vlaenderen quaemen
Die met lasteren en leugens boos,
Seckten maeckten periculoos,⁺
Hielt van haer selfs haer namen.

2.

NEerstich haet twist wert weer verbreyt,⁺

Achterclap opgheblasentheyt,⁺
Iuyst al ter selver oorden,
By twintich jaer na dit gheclach,
Wy waerschouden den derden slach,⁺
Maer sy ons niet verhoorden,⁺
Sy riepen dat heeft nu gheen noot,⁺
Die 't tweemael deden zijn meest doot,
Och t'bleeck die gheest noch leefde,⁺
Twee elck met vijftich onverveert,⁺
Heeft t'vyer vanden Hemel verteert,⁺
Maer siet die derde beefde.⁺

3.

QVEstien quaet seer menichfult,

Quellinghen veel totter onschult,⁺
Ginck men aen doen den vroomen,⁺

+ sap.2,24.

+ 2.Ti.3,13

+ Act.20,29

+ 1557.

+ Acto.26,5

+ 1566.

+ 1.cor.11.18

+ 1.Cor.3,3

+ Col.2,183

+ 2.Ti.4,15

+ esa.65,11

+ Amo.9.10

+ 2.cor.11,5

+ 4.reg.1,12

+ Luc.9,54

+ 4.reg.1,16

+ Ier.15,10

+ Ier.38,6.

[fol. 29v]

 

 

⁺Van draghen was al haer gheveert,

 

⁺Teghen dat ons die Schriftuer leert,

 

⁺Voor deucht ginghen syt romen,

 

⁺Alst achtentachtichst jaer nu naeckt,

 

Hier wast gheseyt, ginder missaeckt,

 

⁺Men mochtse niet bestieren,

 

⁺Die seckt is weder uyt ghevaecht,

 

Nu heeftse boocht dan heeftse claecht,

 

Mislijck ginghense tieren.

 

4.

 

⁺RAet, daet, ja wat elck vermocht,

 

⁺Heeftmen in Schrifts mate ghesocht,

 

Het goet en quaet te scheyden,

 

⁺Men dede elk neerstich vermaen,

 

⁺Hoe 't licht op den candlaer moest staen,

 

⁺Waer toe men hem bereyden,

 

Alst werck dus ging met ernst en vlijt,

 

⁺Dit goet heeft den Satan benijt

 

⁺Om sijn spil weer te spelen,

 

⁺Sommighe maeckt hy onachtsaem,

 

Som resisteerdens sonder raem,

 

⁺Ginck haer de liefde steelen.

 

5.

 

SEeckerst ismen in rechter maet,

 

⁺Niet te gherechtich niet te quaet,

 

⁺Af noch toe Gods woort doende,

 

⁺Ter rechter noch ter slincker hant

 

⁺Te wijcken om eer noch om schant,

 

Maer recht tot deucht hem spoende,

 

⁺Int goed werck die meeste te zijn,

 

+ Phil.3,18

+ Ioh.7,38.

+ Esa.5,20.

+ 1588.

+ 2.cor.10,5

+ 1.Cor.5,6.

+ 2.Pet.1,12

+ Act.20,28

+ 1.cor.4,14

+ mat.5,15.

+ luc.12,35.

+ 1.tess.2,18

+ 2.Ti.3,13

+ rom.12,11

+ mt.24,12.

+ eccle.7,17

+ deu.4,2.

+ deu.17,16

+ Ios.23,6.

+ Tit.3,8.

[fol. 30r]

 

 

Dit eyscht die Schrift tot elck termijn⁺

 

Wesende arm van gheeste,⁺

 

Gherechtich en barmhertich mee,⁺

 

Liefde en vrees elck op sijn stee,

 

Viert so des Heeren feeste.⁺

 

6.

 

DES stadts of plaets gheleghentheyt

 

Int begin des liedts van gheseyt,

 

Ist niet daer van wy claghen,

 

Maer die wercken int generael,

 

Daer gheschiet wel drie of vier mael,

 

God noch sijn volck behaghen,⁺

 

Want gheen plaets hoe heerlijck vermaert,

 

Heeft oyt yemant voor quaet bewaert,

 

Die stout of versaecht waren,

 

Gheen plaets hoe aborribbel quaet,

 

Deed oyt den God ghetrouwen schaet,

 

Hoort dat nu hier verclaren.

 

7.

 

SAl yemant boven s'Hemels throon,

 

Yet connen noemen half so schoon,⁺

 

Daer is Satan verdorven,⁺

 

Int lusthof van God self gheplant,⁺

 

Heeft Adam en Eva met schant,⁺

 

D'eeuwighe daadt verworven,⁺

 

Ierusalem wel suyverlijck⁺

 

Van God boven t'gheheel aertrijck,⁺

 

Vercoren uytghestreken,⁺

 

Daer is t'volck gheworden rebel,⁺

 

Den Heyligen in Israhel,⁺

 

+ Rom.2,7.

+ Mat.5,3

+ Eph.4,24

+ esa.5,13.

+ Pro.3,4.

+ rom.8,18.

+ luc.10,18.

+ 4.Esd.3,6

+ Gen.3,19

+ rom.5,18.

+ psal.122,3.

+ 2.par.6,6.

+ 4.esd.5,25

+ Ezec.5,5.

+ Ier.2,10.

[fol. 30v]

 

 

⁺Zijn sy terug gheweken.

 

8.

 

TAr contrari Adam ghestelt

 

⁺Buyten t'lusthof int rouwe velt,

 

Deed' boete al sijn leven,

 

⁺Lot bleef in Sodoma ghetrou,

 

⁺t'Egypten menich man en vrou,

 

⁺In Babel daerbeneven

 

⁺Dus let God op elcx werck en daedt,

 

⁺Met sijnen toorne en ghenaedt,

 

En niet op plaets of steden,

 

⁺Door vrome comt heyl en gheluck,

 

Voor d'ongheloovighe haer druck

 

⁺Eyschte Paulus ghebeden.

 

9.

 

NEemt dit tot een exempel nu,

 

Hier ghelt gheen plaets hoe reyn of ru,

 

⁺Hebt een goede conscienci,

 

⁺. Vreest God u leven lanck nu voort,

 

⁺Werckt deucht, ghelooft sijn heylich woort,

 

⁺En dat met reverenci,

 

⁺Danckt God voor sijnen disciplijn,

 

⁺Nu ghewrocht als t'elcken termijn.

 

⁺Aen sijn beminde kinder,

 

Besonder ter plaetse vermelt,

 

⁺Elck bewijs hem te zijn een heldt,

 

⁺Teghen des Sathans hinder.

 

10.

 

⁺Prince des vredes op der eerdt,

 

⁺Ghecomen zijnde vyer en sweerdt,

 

+ Easi.1,5.

+ Gen.3,24

+ gen.19,16

+ deu.29,16

+ Dan.3,18

+ psa.62,13

+ Rom.2,6

+ Psa.112,2

+ 2.tim.2,1

+ 1.Ti.1,19

+ eccli.1,19

+ Ioh.8,51

+ Esa.12,1.

+ Pro.6.23.

+ Apo.3,19

+ Pro.3,12.

+ 2.cor.10,4

+ 2.Pet.5,9

+ 1.Ti.6,15

+ mat.10.34

[fol. 31r]

 

 

Meer dan vrede te gheven,

 

Die mensche teghen sijnen vaer,⁺

 

Het huysghesin teghen malcaer,⁺

 

Twistich verweckt te leven,⁺

 

Oock van noode te zijn gheseyt,

 

Erghernis ende seckten beydt,⁺

 

Beproefde t'openbaren,⁺

 

Iuwe ghemeynte, juwe vreed,⁺

 

Hebt ghy ghegheven wilt ons meed

 

Daer in eeuwich bewaren.

+ luc.12,53.

+ Ier.9,4.

+ mich.7,60

+ mat.18,7.

+ 1.co.11,18

+ joh.20,19