Logo DBNL
De weerliicke liefden tot Roose-mond (1956)

De weerliicke liefden tot Roose-mond

(1956)–Justus de Harduwijn–rechtenstatus Auteursrechtelijk beschermd

Vorige Volgende
tekstkritische noten

XLVI.

 
Ist niet ghenoech, helaes! dat het cleyn Venus kint 1
 
Haudt 2 mijn ionck hert in t'vier groeyende t'aller stonden,
 
Sonder dat nu t'ghesucht uyt mijne borst ghesonden,
 
Voedsel gheeft aenden brand, die my gheheel verslint?
 
 
5
O droef, dwaes, onghetemt, dompigh 5 ghehijgh van windt!
 
Dat dit vier niet en stilt 6, d'oorsaeck zijt ghy bevonden.
 
Laet dit mijn ooghen doen, die in traenen ontbonden 7,
 
Uytghieten sullen t'vier, daer door ick ben ontsint 8.
 
 
 
Och t'is voorwaer al raes 9, traenen ick laet u vaeren:
10
t'Waeter en blust gheen liefd': Neptun 10 onder sijn baeren
 
Heeft meer dan duysent mael gheweest met liefd' bevaen 11.
 
 
 
Wel aen dan droef ghesucht, wilt u vermoghen tooghen 12:
 
Herblaest mijns herten vier 13, en sijn cracht doet verhooghen:
 
Want hoe dat lichter laeyt, hoe dat eer sal uytgaen 14.

Vorige Volgende