Briefwisseling van Hugo Grotius. Deel 13

5679. 1642 april 12. Aan L. Camerarius.¹

Illustris domine,

Deus illustrem Dominationem vestram iis doloribus, quibus eam tentari ex nobilissimi

1 Tekst naar Epist., p. 708 no. 1566. Ook afschriften in copieboek Stockholm, RA, Avskriftssaml. vol. 70, p. 327, in copieboek Linköping, Stifts- och Landsbiblioteket, Br. 23, 284, en voorts in copieboek Uppsala, UB, E 388a, 327 (de ondertekening en het postscriptum ontbreken in de copieboeken).

[p. 185]

filii literis cognovi,² quam primum levet mihique eum quem inde, uti par est, concepi moerorem adimat, ut animum corpusque ambo intendere possimus publicis commodis.

Principi quoque Arausionensi ut cito redeat valetudo et is ad res magnas hoc anno gerendas se propere accingat, optat Gallia, gaudens quod et rex et cardinalis ab incommoda valetudine liberati sunt et rem feliciter gerunt.

Nam oppidum Colubrum,³ captis quae extra moenia erant turribus et aedificiis, multis machinis verberatur. Et qui in auxilium oppidi a Tarragona venerant partim, cum mari irent, disiecti dicuntur tempestatibus, partim in terrestri itinere caesi a Motta Odincurtio. Apparet tamen ex alia parte sub Sanctonaeo exercitus opem, si potest, laturus obsessis. Dicitur autem Medini-Sidonius ita purgatus a suspicionibus rerum novarum, ut exercitus ipsi sit creditus contra Portugallos.⁴ Schombergius a Galliae rege in praefecturam Languedociae restitutus est.

Ad cardinalem Sabaudum venit permissus nuptiarum Roma, ita ut iam effectum habitura credantur quae ipsi fratrique eius cum vidua convenerant. Regi Hispaniae fides redibit, si verum est quod hic aiunt mercatores, classem ex America ad eum venisse cum quindecim millionibus, quorum pars tertia sit regis. Imperator Constantinopolim missurus est qui de producendis et firmandis induciis agant. Papa duras fert leges Parmensi, ut belli impensas solvat et in tres annos praesidium papale sit in oppido Castri, idque sumptu ducis. Captivus in Hispaniam it princeps Bragantiae, frater novi regis Portugalliae. Constantiae tres centuriae ad praesidium sunt additae, augentur et commeatus. Rhaeti ad sui tutelam militem scribunt, mille et quingentos in quoque foedere, ut ibi loquuntur. Marescallus Hornius in libertate est.

Laus sit Deo, cui illustrem Dominationem vestram iterum iterumque commendo,

Ill. Dom. vestrae perpetuae observantiae debitor,
H. Grotius.

2 De brief van Joachim IV Camerarius is niet teruggevonden. Het is mogelijk dat de zoon in de bewuste brief verslag uitbracht van zijn reis naar Stockholm en daarbij Grotius verwittigde van de onherroepelijkheid van zijn vaders ontslag uit Zweedse diplomatieke dienst.

3 Onderstaande berichten komen ook voor in Grotius' nieuwsbrieven dd. 12 april 1642 (nos. 5677 en 5678).

4 Gaspar Alonso Pérez de Guzmán, hertog van Medina-Sidonia, was de zwager van koning Jan IV van Portugal. Niet geheel ten onrechte werd in Spanje aan zijn trouw getwijfeld; vgl. no. 5635.

Lutetiae, 2/12 Aprilis 1642.

Rumor quidam est hic de alia etiam clade ab Hispanis accepta in Catalania, sed parum certus. Suedi qui in Erfordia sunt Remolitam⁵ oppidum irrupere.

5 De Epist. geeft: ‘Nemolitam’.

Adres (volgens de uitgave der Epist.): Ludovico Camerario, reginae regnique Sueciae consiliario.