Briefwisseling van Hugo Grotius. Deel 12

5356. 1641 september 9. Van W. de Groot.¹

Frater optime,

Tandem, tandem, spero opus,² quod te nosque non parum torsit, ex animi tui sententia proditurum. Nam errata recudit Blavius et indicem ex tuis schediis [sic] correctum ad ipsum iterum mittimus, ut recudat. Rogavit nos Blavius, an non aliqua indicis errata reliquis erratis subiungi possint. Ego maiora cum minoribus componens pauca invenio folia, quae non debeant recudi, de quibus ipsum monui. Interea bene feceris, si exemplaria, quae Parisios afferentur, iubeas supprimi, donec correctior index et errata ab ultima manu illuc mittantur. Sed de his omnibus hodie ad te et ad Blavium scribit Vergoesius,³ qui profecto fidelem in hac re navavit operam. Exemplaria in Magnam Britanniam iam diu missa sunt. Hic nihil adhuc divenditur, donec omnia sint correcta.

Locus iste, quem libris de Iure belli et pacis⁴ vis subiungi, profecto est elegans. Auctoris, qui postrema mandata S.^ti Ludovici, regis Francorum, ad filium suum scripto prodiderit, nomen non indicas, ut a curiosis lectoribus locus inspici possit. Epigrammati in Camerarium Graeco⁵ lemma non addidisti et incidere in scripturam liturae, quare repetas rogo.

1 Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 211. Eigenh. oorspr. Antw. op no. 5340; beantw. d. no. 5375.

2 Grotius' Annotationes in libros Evangeliorum (BG no. 1135).

3 Vermoedelijk Willem van der Goes (no. 4995 n. 15). Grotius' correspondentie met hem van 1641 ontbreekt.

4 BG no. 571; zie supra no. 5340.

5 Zie no. 5340.

[p. 497]

Princeps⁶ ultima Augusti Dordracum cum copiis praetervectus iam Zelandiam aut adiacentia loca tenet. Quid exinde futurum sit, videbimus.

Mortem cardinalis Hispani⁷ quidam hic pro certa habent, sed celari putant, ne Gallis ea occasione crescat animus, Belgis vero cadat. Utinam Flandri per haec rerum momenta se in libertatem vindicent, foret ea proclivis ad pacem via. Satis diu arma armis contraria sumus experti.

In causa Bergensi⁸ rogo, cogites quae ex Neostadio c. 41 Introductionis ad iurisprudentiam Hollandicam scripsisti,⁹ deficientibus fratribus et sororibus eorumque liberis matrem de iure asdonico succedere, quod in ea causa locum habet, cum nulli sint fratres vel sorores ultimi possessoris¹⁰ eorumve liberi, sed tantum descendentes ex avunculis - ni fallor - magnis, qui sexto sunt gradu, quo casu cur mater¹¹ eiusdem gradus masculum¹² non excludat, non video. Maior est enim praerogativa generationis cum affinitate coniunctae quam sexus masculini.

Plura iam non addam. Vale cum uxore et liberis et a nobis omnibus salve.

Tibi obsequentissimus frater
Guilielmus Grotius.

6 Frederik Hendrik.

7 De kardinaal-infante Ferdinand van Oostenrijk overleed op 9 november 1641.

8 Zie over de heerlijkheid Bergen no. 5300 en n. 8.

9 Inleiding tot de Hollandsche rechts-geleertheyd II, 41, 9-12; zie supra no. 5300 n. 9-10.

10 Otto V, laatste graaf zu Holstein-Schaumburg-Pinneberg.

11 Elisabeth, gravin van Lippe.

12 Hermann Otto, graaf van Limburch en Bronckhorst.

Raptim. Hagae, IX Septembris 1641.

Adres: A monsieur monsieur l'ambassadeur de Suède, à Paris.

Bovenaan de brief schreef Grotius: Rec. 17 Sept.

En in dorso: 9 Sept. 1641 W. de Groot.