Briefwisseling van Hugo Grotius. Deel 10

4422. 1639 december 10. Aan A. Oxenstierna¹.

Excellentissime atque illustrissime domine,

Commovit non parum hanc aulam perlatus huc nuntius displicuisse valde in Suedia pactiones Gallorum cum Vinariensibus, per quas tota vis imperii militaris et in urbes ad Gallos transiit. Solet interdum tempestates tales excitare D. Davausius², ut ipse eas postea industria sedasse videatur. Ego mihi ea de re loquentibus dixi nondum accepisse me e Suedia aut mandata super ea re disserendi aut etiam excellentissimorum dominorum regni rectorum³ judicium super illis pactionibus.

Urbs Taurinorum ex arce globis petitur non sine turrium atque aedium ruinis.

Spargitur hic rumor de Longavillano⁴ quasi Maguntiacum obsidente, sed credunt plerique id, quod et nuper scripsi⁵, eum ad Metim hiberna quaerere.

Res electoris Palatini⁶ nihil mutatur nec quicquam adhuc ad Anglia audimus, quod nobis spem det meliorem. In Vinariensi exercitu sunt, quibus hoc principis Palatini infortunium dolet, sed communi eorum nomine nihil hic ea de re agitur.

Scotici motus ad resumenda arma spectare videntur; ea res metum multis injicit, ne rex Angliae⁷ domandis Scotis solus impar, quibus ob religionem Batavi, ob veteres amicitias et speratas utilitates Galli non parum favent, ad Hispani amicitiam apertius se vertat.

Ragotskium⁸ aliquid ausurum in Hungariam vix credibile facit frigide acceptus Constantinopoli legatus ejus⁹, contra magno cum honore caesarianus internuntius¹⁰.

Turcae¹¹ adhuc apparatus mari magis quam terra bellum ab eo exspectari jubet in Melitem forte.

1 Gedrukt Epist., p. 583; Oxenst. Skrifter 2. afd. II, p. 671.

2 Claude de Mesmes, graaf van Avaux, Frans gezant in Hamburg.

3 Voor hun namen zie men no. 4277, p. 567 n. 2.

4 Henri d'Orléans, hertog van Longueville.

5 No. 4414 dd. 3 december.

6 Karl Ludwig van de Palts.

7 Karel I.

8 Georg I Rákóczi, vorst van Zevenburgen.

9 Zie no. 4420, p. 796 n. 13.

10 Johann Rudolf Schmidt.

11 Murád (Amurath IV), sultan der Ottomanen.

[p. 800]

Bavarici ad utramque Rheni ripam sunt et Argentoratensibus amnis usum, quantum possunt, praecludunt.

Episcopi Basileensis¹ terrae a Vinariensibus aliquoties vexatae contra autem belli instrumenta, quae ad Vinarienses ibant, detenta Badae iras et minas inter hos et Helvetiorum pontificios peperere. Galli episcopo suum favorem promittunt, dum per ejus terras iter hominibus rebusque habeant.

Hispani vulgant proelii apud oppidum Quieres aequale fuisse damnum. Sit ut ita sit, multum tamen effecit Harcurtius², quod evasit.

Pars seditiosorum in Normannia caesa est a regiis, captus et dux eorum, qui presbyter erat Morellus³ nomine.

Castilionaeo⁴ in Mousonum insidiae non successerunt.

Ducis Lotharingi⁵ copiae in Luxemburgico et Treverico agro hiemem transigent.

Mazarinus⁶ hic exspectatur de pacis rebus acturus.

Deus, excellentissime et illustrissime domine, res regni reginae⁷ tuaeque Sublimitatis secundet.

Tuae Sublimitatis cultor devotissimus
H. Grotius.

1 Joannes VI Henricus von Ostheim.

2 Henri de Lorraine, graaf van Harcourt-Armagnac.

3 Jean Morel.

4 Gaspard de Coligny, hertog van Châtillon, maarschalk van Frankrijk.

5 Karel IV, hertog van Lotharingen.

6 Jules Mazarin -Giulio Mazarini-.

7 Christina van Zweden.

Lutetiae, 10 Decembris 1639.

Saepe molestus esse cogor Sublimitati tuae de re pecuniaria in praesens ac futurum non meae tantum tranquillitatis, sed et decoris publici causa. Rex Galliae⁸ iterum mihi liberalitatem suam obtulit. Excusavi; non spero futurum, ut cogar mutuum ab eo accipere, quod dono habere potui.

Venit huc hodie ex Anglia Windenbankius⁹, filius secretarii status regii¹⁰ in Anglia, cum sui regis ad regem Galliae et ad electorem¹¹ literis. Parum favorabilem eum facit rumor patrem ejus ferens Hispanis amiciorem quam Gallis.

Audimus colluctatum cum Hallerio¹² ducem Lotharingum; Glenium¹³ Gustavoburgi esse; captum a Longavillani copiis Oppenhemum et Alzhemum et Bingam, a Vinariensi milite Therbachium ad Mosellam, a Konigsmarkio¹⁴ Hervordum et Bilefeldum, fruges e Gallia illatas Metim partim ab hoste interceptas.

In proelio ab Abricantos contra seditionis populares multi viri nobiles cecidere, inter alios marchio Curtamerius¹⁵.

Piccolominius¹⁶ apud Rotteburgum transiisse dicebatur.

8 Lodewijk XIII.

9 Thomas Windebank.

10 Francis Windebank.

11 Karl Ludwig van de Palts.

12 François de l'Hospital, sieur du Hallier.

13 Gottfried Huyn, graaf van Geleen, keizerlijk bevelhebber.

14 Hans Christoph, graaf von Königsmarck, Zweeds bevelhebber.

15 Cyrus-Antoine de Saint-Simon, markies van Courtomer.

16 Ottavio Piccolomini, hertog van Amalfi, keizerlijk bevelhebber.

[p. 801]

Susurratur aliquid de indutiis apud Salzam.

Rex nuntio pontificio¹ aditum ad se negavit ob ea, quae Romae acta sunt.

1 Ranuccio Scotti; over deze kwestie zie men no. 4407, p. 775.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.