Briefwisseling van Hugo Grotius. Deel 10

4421. 1639 december 10. Aan I. Jasky¹.

Nobilissime domine,

Si quam bene ego volo liberis civitatibus tam bene res eis procederent, etiam vestrae civitatis res loco essent non paulo meliore. Quare et² quod literae Nobilitatis vestrae datae 10 Novembris³ significant spes vobis bonas ostendi e futuris conventibus⁴, de eo non mediocriter gaudeo.

Classis Hispanicae consilia non arbitror in mare Balticum fuisse directa, sed in Batavorum insulas orasque maritimas et in Amisiam amnem, sed si prima successissent, haud dubie erant pro occasione longius ausuri. Quare habent, quod sibi de navali victoria⁵ omnium, quae Batavis obtigerunt, illustrissima gratulentur, quotquot sunt, qui Austriacam magnitudinem accisam quam auctam conspicere malunt. Caeterum ingens hoc decus plusne in Anglia, Polonia et Dania auctoritatis allaturum sit Batavis an invidiae, adhuc inter incerta habeo. Polonus certe legatus⁶ quas literas⁷ ad Batavorum rectores tulit, adeo non ad eorum gustum fuere, ut audientia ei non sit data; unde intelligere facile potestis Batavorum gratiam apud Polonos haud tantam esse, ut multum vestris rebus opitulari queat, nisi ab ipsorum armis nunc cummaxime felicibus metus accedat⁸.

Baltici maris possessio multos inveniet certatores. Suedis sua littora curae sunt⁹. Legatum autem Polonum non arbitror huc venturum fuisse, nisi conficiendi, propter quod mittitur, negotii bona hinc spes esset data.

Miror audaciam jesuiticae juventutis, Vilnae maxime. Ea res apud bonos odium grave conciliabit societati, cujus saecularis periodus nuper admodum Romae celebrata est ingentibus legatorum tam Galliae¹⁰ quam Hispaniae¹¹ pro

1 Gedrukt Epist., p. 583; Grotii Epist. ad Iaski, p. 54. Antw. op no. 4376; beantw. dd. 20 januari 1640 (dl. XI). Israël Köhne, genaamd von Jaski, was een invloedrijk burger in Danzig.

2 De woorden ‘Si ... Quare et’ ontbreken in de uitgave der Grotii Epist. ad Iaski.

3 No. 4376.

4 Het woord ‘conventibus’ ontbreekt in de uitgave der Epist.

5 De overwinning van de Staatse vloot onder Maerten Harpertsz. Tromp op de Spaanse armada bij Duins.

6 Christophe Corvinus Gasziewski.

7 De uitgave der Grotii Epist. ad Iaski heeft ‘suas literas ... tulit, quae ...’.

8 De woorden ‘unde...accedat’ ontbreken in de uitgave der Grotii Epist. ad Iaski.

9 De uitgave der Grotii Epist. ad Iaski geeft ‘erunt’.

10 François-Annibal, markies van Coeuvres, hertog van Estrées.

11 Manuel de Moura y Corte Real, markies van Castel Rodrigo.

[p. 799]

ea studiis gaudiique significationibus. Si qua super hoc facto judicia aut decreta fient, non ingratum erit ea cognoscere.

Annus, qui imminet, multos nobis de pace sermones pariet, quos utinam res aequis legibus sequatur.

Tuae Nobilitati ad omnia officia paratissimus
H. Grotius.

Lutetiae, 10 Decembris 1639.