Briefwisseling van Hugo Grotius. Deel 10

4367. 1639 november 5. Aan Willem de Groot⁵.

Narrationem, mi frater, tuam de rebus mari gestis scriptam Octobris 24⁶ recte accepi gratiasque ago. Misi ad te per filium natu minimum⁷ nova nostra poemata. Ea cui voles trades, dum ne Vogelio⁸, qui nos decepit tuoque abusus est nomine. Exemplar non curo. Si certus esse possem de Blavio⁹, primum eum mea editurum ordine eo, quem ego praescriberem ac primo ἀνώυμα quaedam, deinde nullam interpositurum moram, quod in aliis fecit, praeterea usurum correctoribus, qui latina Graecaque intelligant, possem in multum tempus ejus praela exercere.

5 Gedrukt Epist., p. 888. Antw. op no. 4352; beantw. d. no. 4386.

6 No. 4352.

7 Diederik de Groot.

8 De Leidse uitgever Hieronymus de Vogel.

9 De Amsterdamse uitgever Dr. Johan Blaeu.

[p. 716]

Sed terret me Vossius¹, qui et Meursii² et suo nomine multa de eo queritur. Rogo diligenter inquiras.

Habeo penes me libros correctos de Iure belli et pacis³ et notas, quae tantae sunt, quantum libri ipsius dimidium aut ultra. Sed quandoquidem de nova horum editione scripsit Cramoisiacus⁴, exspectatur Blavii responsum. Id ubi cognovero, videbo, quid fieri possit. Post edita pauca ἀνώνυμα exigui impendii et haud dubie multos tractura lectores in Gallia, Anglia atque alibi, valde desidero edi nostra ad Novum Testamentum⁵, quae bene descripta sunt. Post id Anthologiam⁶, deinde historias Batavicas⁷ et Gotthicas⁸. Nunc etiam ad quaedam Veteris Testamenti loca annoto⁹ perutilia. Habes temporis, quod a negotiis mihi superest, rationem.

Vale, frater optime.

Tibi obligatissimus frater
H. Grotius.

1 De Amsterdamse hoogleraar Gerardus Johannes Vossius.

2 Johannes Meursius. De uitgave van zijn werken door Dr. Johan Blaeu ondervond aanzienlijke vertraging.

3 Hvgonis Grotii de ivre belli ac pacis libri tres, In quibus jus Naturæ & Gentium, item juris publici præcipua explicantur. Editio nova cum Annotatis Auctoris. Accesserunt & Annotata in Epistolam Pauli ad Philemonem. Amsterdami, Apud Ioh. & Cornelivm Blaev. MDCXLII; Ter Meulen-Diermanse, no. 571.

4 De Parijse uitgever Sébastien Cramoisy.

5 Hvgonis Grotii Annotationes in libros Evangeliorvm, Cum tribus tractatibus & Appendice eo spectantibus. Amsterdami, Apud Ioh. & Cornelivm Blaev. MDCXXXXI; Ter Meulen-Diermanse, no. 1135.

6 Anthologia Graeca cum versione Latina Hugonis Grotii edita ab Hieronymo de Bosch. Ultrajecti et typographia B. Wild & J. Altheer, MDCCXCV; Ter Meulen-Diermanse, no. 534.

7 Hvgonis Grotii Annales et historiæ de rebvs Belgicis. Amstelædami, Ex Typographejo Joannis Blaev. MDCLVII. Cum Privilegiis S.C. Majestatis; & Ordd. Belgicæ Foederatæ, nec non Holl. West-Frisiæque, per annos quindecim; Ter Meulen-Diermanse, no. 741.

8 Historia Gotthorvm, Vandalorvm, & Langobardorvm: Ab Hvgone Grotio partim versa, partim in ordinem digesta. Præmissa sunt ejusdem prolegomena. Vbi Regum Gotthorum Ordo & Chronologia, cum Elogiis. Accedunt nomina appellativa & verba Gotthica, Vandalica, Langobardica, cum Explicatione. Auctorum omnium ordinem Tabula Contentorum indicat. Amstelodami, Apud Ludovicum Elzevirium, MDCLV; Ter Meulen-Diermanse, no. 735.

9 Hugonis Grotii Annotata ad Vetus Testamentvm. Tomvs I. Lvtetiae Parisiorvm, Sumptibus Sebastiani Cramoisy, Regis & Reginæ Architypographi, et Gabrielis Cramoisy. viâ Iacobæâ, sub Ciconiis. MDCXLIV. Prostant Amsterdami, Apud Iohannem Blaev. ... Tomus II ... Tomus III; Ter Meulen-Diermanse, no. 1137.

Lutetiae, 5 Novembris 1639.

Cum videam Argentoratensem Taciti in folio editionem¹⁰ nimis diu trahi, constitui ei, qui primus Tacitum est editurus, meas notas¹¹ non magnas, sed nec inutiles dare. Si quid tale rescieris, mone me.

Quae de antichristo commentati sumus¹² et sine nomine constituimus edere, audio D. Utenbogardo¹³ et Episcopio¹⁴ minus probari. Ego certus sum illos non dicturos probabiliora et nostra valde probari a Gallis et Anglis, qui videre.

10 Zie dl. IX, p. 108 n. 6.

11 Zie no. 4358, p. 701 n. 5.

12 Commentatio ad Loca quædam N. Testamenti quæ de Antichristo agunt, aut agere putantur, expendenda ervditis. Amstelodami, Apud Ioh. & Cornelivm Blaev, MDCXL; Ter Meulen-Diermanse, no. 1100.

13 Johannes Wtenbogaert, leider der remonstranten.

14 Simon Episcopius, remonstrants theoloog.