Briefwisseling van Hugo Grotius. Deel 10

4386. 1639 november 14. Van Willem de Groot⁹.

Frater optime,

Gratias tibi ago summas, quod mihi studiorum tuorum rationem perscribere non sis gravatus in iis, quas V hujus mensis ad me dedisti, litteris¹⁰ et gaudeo tantum tibi a publicis curis superesse otii, ut tam luculenter rempublicam litterariam juvare possis. Ego de excudendis iis, quae jam parata sunt, cum filio¹¹ egi, qui et ipse a te ejusdem materiae litteras acceperat¹². Is propediem Amstelodamum ire cogitat, ubi de tot hoc negotio latius inquiret, quo intellecto pro re nata consilium sumemus.

Interea offert jam se aliquid, in quo studia mea etiam possis juvare. Amstelodami quippe accidit, ut filia viginti annis minor deserta domo paterna se in alia provintia matrimonio copularet cum juvene quopiam, qui eam nunquam apud

9 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4367; beantw. d. no. 4405.

10 No. 4367.

11 Diederik de Groot.

12 Ontbreekt.

[p. 741]

parentes petierat conjugem. Quam ob rem pater offensus filiae, dum viveret, reconciliari noluit et mortuus testamento suo eam exhaeredasse reperitur; id an subsistere possit quaeritur. Introductionis tuae lib. 2. c. 18¹ video a te referri jam olim apud nos receptum, ut talis exhaeredatio possit fieri, sed quia auctoritates ego nullas in promtu habeo, quaeso laboranti subvenias indicesque, quibus id curiarum sententiis, aliisve placitis aut receptis moribus firmare valeas et an nullam vetusti illius juris mutationem agnoscas. Meretur sane haec quaestio disquisitionem et potest saepius usuvenire, quare certi aliquid mihi statuendum, ne in consiliis fluctuem.

Tum et illud rogo expedias, an in causa praepositi Holshemiensis² nihil boni e Gallia sperandum sit, ne diutius animi pendeat.

Poemata tua³ dum perlego et hoc rogandum duxi, an epigrammata, quae de victoria Barbarossae⁴ et in mortem Toirasii⁵ scripsisti, non aliquam tibi invidiam sint creatura, illud Romae apud pontificem⁶, hoc vero apud Gallos utpote Toirasii victoriis male usos. Tum vero in carmine ad Bignonum⁷ hiatum invenio in hoc versu:

Saporis auram dulcis⁸ ex melle,

quem suppleri velim.

Sparguntur hic varii de rebus a Banerio⁹ gestis rumores, aliqui ab oppugnatione Pragae rejectum ferunt, alii caesarianos acie victos, Pragam captam asserunt, quod Spiringius¹⁰ quanquam non satis certum hic apud proceres vulgavit.

Vale, frater optime, et nos amore solito prosequere.

Tibi obsequentissimus frater
Guilielmus Grotius.

1 Hugo de Groot, Inleidinge tot de Hollandsche Rechts-Geleerdheid, (ed. F. Dovring, H.F.W.D. Fischer, E.M. Meyers) p. 99: ‘In dese landen is van oudts verstaen, dat een dochter beneden haer twintig jaren haer selve ten huwelick uitgevende buiten wille van vader ofte moeder, by de zelve vader ofte moeder ontgoed ofte dood-gemaeckt mag werden’.

2 Johann von Holtzem.

3 Het betreft de voorbereidingen voor een herdruk van de Poemata Collecta van 1617 die echter doorkruist werden door de uitgave van de Leidse drukker Hieronymus de Vogel; Ter Meulen-Diermanse, no. 2.

4 Voor dit gedicht zie men dl. VI, p. 509: Imperii scutum ...

5 Jean de Saint-Bonnet, sieur de Toiras. Voor het gedicht (Hac lepus ...) zie men Ter Meulen-Diermanse, no. 290.

6 Urbanus VIII.

7 Over Jérôme Bignon zie men dl. III, p. 154 n. 5. Het gedicht is op bovenstaande regel na verloren gegaan.

8 Grotius heeft in margine ‘haurit’ aangevuld; zie ook no. 4405.

9 De Zweedse veldmaarschalk Johan Gustavsson Banér.

10 Petter Spiring Silvercrona, raad van financiën van Zweden.

Hagae, XIV Novembris 1639.

Adres: A Monsieur Monsieur Grotius, Ambassadeur de Suède A Paris.

In dorso schreef Grotius: 14 Nov. 1639 W. de Groot.

En boven aan de brief: Rec. 22 Nov.

en: De Episcopio.

In margine (ter hoogte van ‘lib. 2. c. 18’): lex Wisigotthica.