Briefwisseling van Hugo Grotius. Deel 10

4342. 1639 oktober 17. Van Willem de Groot¹.

Frater optime,

Grata mihi sunt, quae de lite filiae² scribis³, et quidem in iis, quas adducis distinctionibus, utpote juri consonis, acquiesco; siquid porro super ea re occurrerit, fac, quaeso, nos certiores. Tum et illud considera, an adversarii non sint objecturi scripturam nostram non satis esse scriptam in testamenti forma atque ita rejiciendam juxta ea, quae Charondas⁴ notat ad 289 artic. consuetudinis Parisiensis⁵: audio et illud susurrari omnia inter amantes⁶ per jocum gesta, sed de eo uxor filiaque⁷ nos satis instruent.

Notas ad Lucanum⁸ ita a te recensitas et auctas, ut novi operis speciem praebeant, lubens audio; ubi ad nos venerint, facile eas imprimi curabimus.

Uxor cum filia Amstelodamum petiere inde post dies aliquot rediturae.

De classibus nostra et Hispanica hoc habe: hanc tria jam militum Hispanorum millia minoribus Anglorum scaphis Duinkercae exposuisse, quorum ducenti tantum in nostram venere potesta(tem); illam vero jam ad centum circiter naves bellicas excrevisse instructas optimis ducibus, nautis exercitatissimis, militibus selectis omnique militari apparatu; si ex alacritate militum aliquid augurii duci potest, ut saepe in historiis usu venisse legimus, non est, quod de successu desperemus. Ante paucos dies, cum archithalassus noster⁹ vexillum rubeum sustulisset recta in hostem tendens, cessere e medio Angli, ipse vero antequam extrema tentaret, etiamnum consulendos censuit Ordines; quos omnium membrorum conspiratione decrevisse ajunt impetum in hostem fieri sive permittente sive invito Angliae rege¹⁰ oportere. Archithalassus noster, cum intelligeret Hispanos abitionem differre ob defectum malorum et antennarum, curavit eorum copiam ipsis fieri, quam gratiam illi vase vinario remunerati sunt. Servius¹¹ primum improbavit insultum

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4325; beantw. d. no. 4358.

2 Cornelia de Groot. Het betreft hier het proces tegen haar aangespannen door Adriaen van Naeltwijck.

3 No. 4325, p. 648.

4 Louis Le Caron -Charondas- (1536-1617), Frans letterkundige en jurist.

5 Les Institutions Coustumières de Loisel (éd. Michel Reulos) art. 289: Institution d'héritier n'a point de lieu.

6 Jacob van Oldenbarnevelt, heer van Berkel, en Cornelia de Groot.

7 Maria van Reigersberch en Cornelia de Groot.

8 Over deze Lucanusuitgave zie men no. 4311, p. 631 n. 3.

9 Maerten Harpertsz. Tromp.

10 Karel I.

11 Schuilnaam voor Frederik Hendrik. Grotius heeft er ‘Pr. Araus.’ boven geschreven.

[p. 678]

in classem Hispan. fieri nolente¹ Ufidio², etiam cum expostulatione. Quod nullae Gallicae naves se nostris jungunt, id vero multis altioris videtur esse considerationis.

Quid de prolongandis in Italia induciis futurum sit et siqua communis pacis spes affulgeat, ex te discere aveo.

Vale, frater optime, et nos, ut soles, ama.

Tibi obsequentissimus frater
Guilielmus Grotius.

1 In de tekst in code: r f w o t d e p α g 4 ϰ i ξ y μ 3 f A r g D b H 6 i w s ρ met de ontcijfering door Grotius erboven geschreven.

2 Ufidius is een schuilnaam voor Karel I van Engeland. Grotius heeft er ‘R. Anglo’ boven geschreven.

Raptim Hagae Comitis, XVII. Octobris 1639.

Legati qui in Dania sunt³ asserunt classem Hispanicam destinatam ad exponendos circa Dunkerkam milites atque inde petendam Embdam, ut eam urbem - conscio, ita ajunt, comite⁴ - in potestatem regis Hispaniae⁵ redigeret.

3 Albert Coenraetsz. Burgh en Bernard Coenders van Helpen.

4 Ulrich II, graaf van Oostfriesland.

5 Philips IV.

Adres: A Monsieur Monsieur Grotius, Ambassadeur de la Reine et couronne de Suède A Paris.

Boven aan de brief schreef Grotius: Rec. 27 Oct.

En in dorso: 17 Oct. W. de Groot.