Briefwisseling van Hugo Grotius. Deel 10

4263. 1639 augustus 26. Van G. Müller⁷.

Illustrissime et excellentissime domine legate, patrone colende,

Excellentiae vestrae literae VI. Aug. scriptae⁸ XXIII. eiusdem mensis die redditae mihi hac in urbe sunt.

Ab magno domino regni Sueciae cancellario⁹ mandata, quorum meminit Excellentia vestra, necdum ulla accepi. Cum Junecopia abirem, spes mihi nata fuit secutura intra spatium duarum triumve septimanarum. At vero toto hoc bimestre ne literulam quidem vidi; nisi quod subinde secretarii regii¹⁰ excusationes petunt ab adversa valde valetudine m. cancellarii, quae ipsum negotiis aut scriptionibus vacare plane non permittat, ab assiduis in caussa Livonica consultationibus et ejusmodi rebus aliis.

Scripsi non tantum ad ipsum m. dominum cancellarium, sed et ad secretarios regios et, ut eam rem curae sibi esse sinerent, enixe petii. Quamprimum responderint, ut Excellentia vestra, quidquid id sit, noverit, faciam.

7 Hs. Amsterdam, UB., RK., R 32b. Eigenh. oorspr. Antw. op no. 4239; beantw. d. no. 4315. Georg Müller was Zweedse hofraad en secretaris.

8 No. 4239.

9 Axel Oxenstierna, rijkskanselier van Zweden.

10 In 1639 deden de volgende ‘secretarii’ dienst: Nils Nilsson Tungel, Johan Månsson Silferstierna, Anders Gylle Gyldenklou, Johannes Nicodemi Lillieström, Christoffer Friedrich Schwalch.

[p. 541]

Campi mareschallus Bannerius¹ adhuc haeret in visceribus Bohemiae, hostilis exercitus circa urbem Pragam. Caesariani in Silesia aliquot millia equitum, peditum ac tragonum contraxerunt et duas Bannerianas legiones aggressi sunt, nonnihil et damni ipsis intulerunt, caesi tamen sunt et dissipati a Bannerianis captis plerisque ducibus interque eos comite Pompeio Italo².

Bavarius³ metu belli Wimariensis magnam partem solutus⁴ magnas militum manus in Bohemiam mittere dicitur et Caesar⁵ quidquid potest corradit parum fidens Transylvano⁶ et Turco⁷, qui magnum contra Christianos bellum moliri creditur. Copiae Pomeranicae Landsbergam recepere, milites Brandenburgici VII. C. et ultra nostris adcessere. Nunc ipsam Silesiam ingrediuntur aditum (ad) Bannerium per Lusatiam facturae. Etiam Plavia arx munita in Megapolitano agro deditione in nostrorum venit potestatem. Tribunus v. Königsmarck⁸ Herbipolitanum episcopatum male mulctat.

Daniae rex⁹ hisce diebus secretarium misit ad dominum legatum Salvium¹⁰ et, ut diem colloquiis de pace diceret, postulavit. Responsum fuit, ubi primum literas salvi conductus pro Foederatis Regnorum miserit imperator¹¹, in mora se non futurum.

Misi chartas nonnullas ad dominum legatum Camerarium¹² ejusque Excellentiam rogavi, ut Excellentiam quoque vestram earum faceret participem. Puto aliquas illarum non ingratas fore Excellentiae vestrae. Quam divinae tutelae hisce commendo.

Excellentiae vestrae obsequentissimus
G.M.

1 De Zweedse veldmaarschalk Johan Gustavsson Banér.

2 Tomio Pompei (1611-1653). Deze Italiaanse officier had geruime tijd in het Staatse leger gediend en was in 1637 overgegaan naar Ferdinand II.

3 Maximiliaan I van Beieren.

4 Bernhard, hertog van Saksen-Weimar, was nl. op 18 juli overleden.

5 Ferdinand III.

6 Georg I Rákóczi, vorst van Zevenburgen.

7 Murád (Amurath IV), sultan der Ottomanen.

8 Hans Christoph von Königsmark.

9 Christiaan IV.

10 Johan Adler Salvius, Zweeds gezant residerend te Hamburg.

11 Ferdinand III.

12 Ludwig Camerarius, Zweeds gezant in Den Haag.

Dab. Hamburgi die 16/26 Augusti anno 1639.

Francofurtum ad Oderam die 8/18 Augusti nostris se dedit.

Adres: A Son Excellence Monsieur Grotius, Conseiller d'Estat et Ambassadeur de Sa Majesté de Suède en France à Paris.

In dorso schreef Grotius: 26 Augusti 1639 Muller.

En boven aan de brief: Rec. 28 Sept.