Briefwisseling van Hugo Grotius. Deel 10

4257. 1639 augustus 18. Van I. Jasky⁴.

Illustrissime et excellentissime domine, domine observandissime,

Delegati nostri⁵, qui primo Vilnam, deinde Ortelsburgum ad R. Maiestatem⁶ iverant, re infecta redierunt. Regia Maiestas constantissime iam flagitat non tam teloneum marinum quam impositionem quandam quam nos julag⁷ vocamus, quae a civibus nostris solvitur quaeque non nisi magno cum damno nostro regiae Maiestati concedi poterit. Comitia, quae in 5 Octobris indicta sunt, finem huic negotio imponent, utinam talem, qualem optamus.

Palatinus Smolenscensis dominus Gasiewsky⁸ brevi hinc Galliam versus splendido cum comitatu solvet.

Bellum in vicina Livonia quamvis aliquot dierum magnas turbas maiores suspiciones excitavit.

Tribunus quidam caesareus nomine Boot⁹ trecentos milites clanculum in finibus Lithvaniae, Prussiae et Livoniae collegerat illosque in Livoniam non turmatim, sed sigillatim duxerat, prope Dunam fluvium quaedam propugnacula exstruxerat Suecis - ut putabat - imparatis negotium facessurus. Sed ut praecipitia consilia plerumque funestum habent eventum, ita haec inconsiderata parva

4 Hs. Utrecht, RA. Prov., Arch. Boetzelaer 556, 22. Eigenh. oorspr. Antw. op no. 4208; beantw. d. no. 4307. Israel Köhne, genaamd von Iasky, was een invloedrijk man in zijn vaderstad Danzig.

5 Zie no. 4154, p. 388.

6 Wladislas IV (VII) van Polen.

7 Naar alle waarschijnlijkheid = culagc, een havenrecht op de koopwaar door de ingezetenen van Danzig verschuldigd.

8 Christophe Corvinus Gasziewski; zie no. 4044, p. 215 n. 5.

9 Herman Bothe.

[p. 528]

manu militum in Livoniam irruptio tristissimum habuit exitum. Nam omnes illi milites a Suecis vel occisi vel submersi sunt. Ipse tribunus felici fuga evasit. Haec in Livoniam invasio, ne induciis nostris praeiudicium afferret, R. Maiestas publico diplomate cavit omnibusque suis subditis mandavit, ut non solum inducias cum Suecis pactas exactissime observent, sed etiam hos pacis publicae turbatores ut hostes persequantur.

Mortem ducis Wimariensis¹ fortissimi herois, omnes, qui fortitudinem, qui in rebus gerendis dexteritatem et promptitudinem, quique virtutem aestimant, lugent.

Deus Excellentiam vestram diu salvam et incolumem conservet.

Excellentiae vestrae obsequentissimus
Israel Köhne dictus Jasky mpp.

1 Bernhard, hertog van Saksen-Weimar, gestorven op 18 juli 1639.

Dab. Dantisci, 18 Aug. A.^o 1639.

Boven aan de brief schreef Grotius: Rec. 17 Sept.