Briefwisseling van Hugo Grotius. Deel 10

4137. 1639 mei 30. Van Willem de Groot⁷.

Frater optime,

Ex litteris affinis Reigersbergii⁸ et Graswinkelii⁹ disces, quae hic iterum calumniarum nubes in te Spiringiumque¹⁰ sese effuderit. Ego ut quod res est scribam, non tam de effectu calumniarum in te quam de earum origine et causa sum sollicitus: Spiringius rem altius ad animum revocat et totam bilem in senatorem Reigersbergium evomit, quem tua suaque in causa tam obstinati silentii leges rumpere debuisse judicat.

Quae Graswinkelius scripsit legi eaque, quatenus rei series mihi innotuit, vera esse scio. Ipse interea responsum tuum expectat, quod et affectus ejus meretur; illud dolet quod et Spiringius et ipse in senatorem sunt inclementiores, nullo cum tuo bono. Affui ego cum Boechorstii filium¹¹ in ipsum, ut calumniarum autorem - quia denuntiatorem suum celare vult - concitavit Spiringius; nunc

7 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4119; beantw. d. no. 4157.

8 Nicolaes van Reigersberch; bedoeld is brief no. 4129 dd. 27 mei.

9 Dirck Graswinckel; diens brief aan Grotius is niet teruggevonden.

10 Petter Spiring Silvercrona.

11 Amelis van den Bouchorst, heer van Wimmenum, zoon van Nicolaes van den Bouchorst, heer van Noordwijk.

[p. 366]

audio ab eodem ad eundem itemque ad Risorium¹ et Hertainium² missas litteras similis argumenti, quae res quem effectum sit habitura vix video.

Eorum, quae praeterita septimana ad te scripsi³ quaeso etiam sis memor; forte enim ex eadem officina prodiit uterque faedae lolliginis faetus.

Utenbogardus⁴ quid iterum calumniatoribus suis opponi curaverat, ex adjuncto scripto⁵ cognosces.

Dissertationis⁶ exemplaria, quae petiisti duo, per occasionem mittemus.

De publicis hic rebus hoc habe: principem⁷ jam Littojae ad exercitum adesse a vigesimo quinto hujus mensis die; eidem Burae adfuisse Milandrum⁸ cum ducibus Hassicarum copiarum⁹ ibique in verba Ordinum sacramentum dixisse; eas copias ajunt esse ad 2000 equitum et totidem, et quod excurrit, peditum millia. Ordines Hollandiae duos milliones faenori sumunt, de caetero praeter tributum in picem et cerevisiam maritimam nihil decretum.

E Germania omnia, quae ante intelleximus nova per Salvium¹⁰ confirmari intelligo. Ad ducem Vinariensem¹¹ profecturos hinc principes Palatinos¹² asseverant, qui talia indagare possunt.

Ad tua¹³ ut veniam, Wassenariana¹⁴ ad te recte pervenisse gaudeo; mortem Berkelij¹⁵ ob defectum stirpis masculae in ista familia sane doleo; de Borrii¹⁶ dono, siqua se obtulerit occasio, cogitabo.

Quae tuorum librorum editionem concernunt ad te perscribere se dixit filius¹⁷. Heinsianas exercitationes¹⁸ unde habuerit Opitius¹⁹ iste, nescio, certe eae nondum prostant; ubi nancisci potero tui memorem ne dubita fore. Quantum tibi Batavi debeant, nemo doctus, nemo bonus ignorat, sed tibi id cum maximis viris et ingeniis commune est, ut ingratam experiaris patriam.

Plura non addam. Tu cum uxore et filia²⁰ - quas indies expectamus - reliquisque liberis²¹ salve et quam suavissime vale.

Tibi obsequentissimus frater
Guilielmus Grotius.

1 Jhr. Lamoraal van der Noot, heer van Risoir.

2 Zie verderop bijlage no. 2, p. 854 en n. 7 aldaar.

3 No. 4124.

4 Johannes Wtenbogaert, leider der remonstranten.

5 Ontbreekt.

6 Zie no. 4119, p. 338 n. 10.

7 Frederik Hendrik.

8 Peter Melander, graaf van Holzapfel, generaal van Amalie Elisabeth van Hanau-Münzenberg, landgravin-regentes van Hessen-Kassel.

9 O.a. Hans Heinrich von Gunterroth; zie de brief van de gedeputeerden te velde dd. 4 juni 1639 aan de Staten-Generaal (Hs. Den Haag, ARA., Arch. Staten-Generaal no. 4974).

10 Johan Adler Salvius, Zweeds gezant in Hamburg.

11 Bernhard, hertog van Saksen-Weimar.

12 Wellicht Moritz en Eduard; zie no. 3663 (dl. IX, p. 439).

13 No. 4119.

14 Zie no. 4119, p. 336 n. 14.

15 Jacob van Oldenbarnevelt, heer van Berkel en Rodenrijs; zie no. 4119, p. 337 n. 1.

16 Zie no. 4119, p. 336 n. 15.

17 Pieter de Groot; zie no. 4136.

18 Zie no. 4119, p. 338 n. 11.

19 De Duitse dichter Martin Opitz.

20 Cornelia.

21 Cornelis, Diederik en Pieter.

Hagae, XXX Maij 1639.

[p. 367]

Adres: A Monsieur Monsieur Grotius, Ambassadeur de la Reine et couronne de Suède A Paris.

Boven aan de brief schreef Grotius: rec. 8 Iunij.

En in dorso: 30 Maij 1639 W. de Groot.