Briefwisseling van Hugo Grotius. Deel 10

[p. 87]

3967. 1639 februari 9. Van F. Junius¹.

Vir illustrissime,

Commodum D. Patricius Junius² transcribi curaverat bonam partem var. lect. codicis Cyrilliani Novi foederis³, quum ecce litterae tuae⁴ advolant. Eas ut vidit, obvia statim humanitate non modo tradidit mihi var. hasce lect. in omnes epistolas, verum etiam, si operam hanc non ingratam tibi fuisse intelliget, spopondit se pari cura excerpturum quidquid in Apocal., Acta apost. ac tria Evangelia notatu dignum occurret; desideratur enim in vetustissimo codice totum fere Evangelium Matthaei.

Do.^us Seldenus⁵ unice tibi commendari cupit. Sub praelo est opusculum eius⁶, nescio cuius argumenti, sed quemadmodum plura in eo potissimum ex Orientalium linguarum scriptoribus congessit, ita dum inter alia disquirit, quatenus olim Judaei cum aliis nationibus atque aliae vicissim nationes cum Judaeis commercium habuerint, inserit operi suo diatribam de Judaïcis velis⁷, et nihil in istis Claudiani verbis⁸ immutandum esse multis adstruit.

Quod affinis Vossii⁹ meaque commendatione adductus nihil non officii ac beneficii in Christianum Ravium¹⁰ paratus es conferre, vehementer nobis gratum esse debet; quin imo dandam nobis posthac operam video, ut hanc tuam benevolentiam apud gratos homines praeclare positam esse deprehendas.

Quod superest, Deum immortalem precor, ut omnes cogitationes tuas et privatim et publice tam laetus sequatur eventus, ut aeterna laude florentem virtutis tuae gloriam et incolumis et fortis aliis super alia operibus augeas.

Raptim, in aedibus Arundellianis. XXX Januarii. MDCXXXIX.

1 Hs. Parijs, Bibl. Nat. Nouv. acq. franç. 14823 fol. 75aant.. Antw. op no. 3940; beantw. d. no. 3982 dd. 19 februari 1639. Franciscus Junius -François Du Jon- was bibliothecaris van Thomas Howard, graaf van Arundel.

2 De Engelse graecus Patrick Young.

3 De griekse codex Alexandrinus; zie no. 3940, p. 46 n. 8.

4 No. 3940.

5 De Engelse jurist John Selden (1584-1654).

6 Ioannis Seldeni De iure Naturali & Gentium, Iuxta Disciplinam Ebræorum, Libri Septem. Londini, Excudebat Richardus Bishopius 1640.

7 Op. cit. lib. II c. 9, p. 239.

8 Claudianus In Eutrop. I, 356-357: et quidquid inane // nutrit Iudaicis quae pingitur India velis.

9 Gerardus Johannes Vossius.

10 Christian Rave (1613-1677), later bekend geworden als hoogleraar in de Oosterse talen te Oxford, Utrecht, Amsterdam en Uppsala.

In dorso schreef Grotius: (30 Jan. 1639 Fr. Junius).