Briefwisseling van Hugo Grotius. Deel 9

3868. 1638 november 29. Van Willem de Groot⁹.

Frater optime,

Jam nunc tuas accipio XX mensis vertentis ad me datas¹⁰, quae ut omnes

9 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3855; beantw. d. no. 3883.

10 No. 3855.

[p. 722]

tuae gratissimae mihi fuerunt, imprimis vero quod bonam tibi esse spem capiendi Brisaci video, quae nos jam unice cura macerat, ne ubique Gallorum protestantiumque arma infamem hoc anno sortiantur exitum.

Filium majorem¹ miror non ante animadvertisse adagium satis frequens. Dulce bellum non; nunc restat, ut Spartam, quam suo judicio nactus est, recte exornet, certe ne, nisi post obitas aliquamdiu militares excubias et quae ejus sunt generis, ad vos redeat, ne eum iterum paenitentiae paeniteat.

Qui hic est filius² praeterita septimana causam non infeliciter et agendo et replicando peroravit, quanquam magno, ut ipse ait, animi motu; operam dabo, ut hac vel proxima septimana iterum in foro audiatur, ut et orationibus et frequentiae hominum et loco adsuescat. Sane ex hoc principio didici eum nulla ex parte forensibus actionibus imparem fore; ad diligentiam, quae unice hic necessaria est, hortari et exemplo praeire non desino.

Princeps³ post emtam Gravesandam filium quondam graphiarii Douzae⁴, qui eum locum octo millibus florenorum emerat, a praetura dimovit jamque jus in naufragia et ejectas in littora merces sibi vendicat ipse, eo (no)mine quod post enumeratas omnes partes jurisdictionis subjecta est haec clausula et ita, ut comitatus Gravesandam possedit, super quibus antea valde disputatum est, eam copulam nunc ille augmentative accipit, ut non tantum enumeratae partes jurisdictionis, sed et illud alterum e regalibus accedere debeat.

Patronum fisci an Hollandi an Selandi creare debeant, hoc conventu disputabitur; interea Graswinkelio⁵ competitorem se offert Boi(...)⁶, non infelix poeta, qui natione Selandus ducta jam Dordraci Brantvikensis filia⁷ semet ipsum Hollandis inserit.

Vale, frater optime, cum uxore et liberis⁸.

Soror nostra⁹ jam meliuscule valere incipit, sed lenta sunt, ut in eo morbi genere et hac anni tempestate, remedia.

Veniet ad vos brevi Arnoldus Lonii viri optimi filius¹⁰, affinis Graswinkelii, quem tibi per me commendari amici voluerunt.

Tibi obsequentissimus frater
Guilielmus Grotius.

1 Cornelis de Groot.

2 Pieter de Groot.

3 Frederik Hendrik.

4 Dirck van der Does, schout van 's-Gravenzande, zoon van Mr. Jacob van der Does (1575-1630), raad en secretaris van Frederik Hendrik. Over de aankoop van 's-Gravenzande zie men de brief van de Grafelijkheids Rekenkamer dd. 17 februari 1639 aan de Staten van Holland (Hs. Den Haag ARA., Grafelijkheids Rekenkamer no. 49) en het antwoord dd. 18 februari 1639 van de Staten van Holland (Hs. Den Haag ARA., Staten van Holland no. 1389); zie vooral Hs. Den Haag ARA., arch Nassause Domeinen no. 6551.

5 Dirck Graswinckel.

6 Cornelis Boey (1611-1665).

7 Anna Brandwijk van Blokland, dochter van Pieter Brandwijk van Blokland. Zij was op 16 november 1638 met Cornelis Boey gehuwd.

8 Alleen Cornelia bevond zich bij haar ouders te Parijs. Pieter was in het vaderland en Cornelis en Diederik waren in het leger van Bernhard van Saksen-Weimar.

9 Adriana de Groot.

10 Arnold van Loon (geb. 21 april 1616), zoon van Hans van Loon en Anna Ruychaver.

Hagae, XXIX Nov. 1638.

[p. 723]

Adres: A Monsieur Monsieur Grotius Ambassadeur de la Reine et couronne de Suede A Paris.

In dorso schreef Grotius: 1638 29 Nov. W. de Groot.

En boven aan de brief: Rec. 9 Dec.