Briefwisseling van Hugo Grotius. Deel 9

[p. 706]

3855. 1638 november 20. Aan Willem de Groot¹.

Frater optime,

Dolent mihi de sorore² quae scribis³, pro qua Deum precibus adire non desino.

Filii⁴ in castris valent, sed minor rectius. Alterum otii amantem nimis propere militiae toedet. Brisacum brevi in potestate ejus⁵ speramus fore depulsis ab oppugnatione castrorum hostibus, castellis extra urbem partim ab hoste receptis partim captis aliis, caeso iterum duce Lotharingo⁶ ad Ensishemum magna ubique hostium clade. Savellio⁷, qui Rhenum transiit, adversum ivit Longavillanus⁸.

Princeps Arausionensis⁹ non Gravensandam tantum, sed et alias res magnas vili mercatur. Etiam istae quae videntur nugae, titulorum fumi, ducent seria.

De Schoockio¹⁰ scripserat jam ad amicos Salmasius¹¹ mihi ab eo affingi socinismum οὐ φϱοντὶς ἱπποϰλείδῃ¹². Occallui ad talia. Nihil veri eo factum est deterius quod in id Socinus¹³ incidit. Siquis tamen vestratium responso eum dignum putat et a me edoceri velit super iis, quae ad me pertinent, non me gravabit iste labor. Interim quod adversarium reperit Schokius non minus quam ipse est cerebrosum, satis placet.

Epistola Rupellam recte missa est.

Vale cum tuis nostrisque, mi frater.

20 Nov. 1638.

Tibi obligatissimus frater
H. Grotius.

1 Gedrukt Epist., p. 880. Antw. op no. 3836; beantw. d. no. 3868.

2 Adriana de Groot.

3 Zie no. 3836.

4 Cornelis en Diederik de Groot.

5 Bernhard, hertog van Saksen-Weimar.

6 Karel IV, hertog van Lotharingen.

7 Federigo Savelli, hertog van Poggio Nativo.

8 Henri d'Orleans, hertog van Longueville.

9 Frederik Hendrik.

10 Martin Schoock.

11 De Franse klassiek-filoloog Claude de Saumaise, hoogleraar te Leiden.

12 Herodotus VI. 129 in fine.

13 Faustus Socinus (1539-1604), antitrinitariër.