Briefwisseling van Hugo Grotius. Deel 9
(1973)–Hugo de Groot–
Auteursrechtelijk beschermd3863. 1638 november 27. Aan Willem de GrootGa naar voetnoot3.Deo gratias, frater optime, ingentes habeo, quod sororisGa naar voetnoot4 valetudo in melius proficit cum bona spe recuperandae totius integritatis, cujus boni ut nos compotes faciat, eundem Deum precor. Quod de iis, qui cum HautebenioGa naar voetnoot5 erant, scribisGa naar voetnoot6, par est flagitiis ad Fontarabiam commissis, Aliter vivitur in castris VinariensibusGa naar voetnoot7. Grave, ut video, damnum est, quod tempestates Batavis intulere. Talis vicinus est Neptunus, ut cum commodis et incommoda adferat. Controversiam, quam Calloana cladesGa naar voetnoot8 fecerat, non iniqua lege compositam gaudeo. Neque enim Romana in captivos severitas Batavae lenitati convenit. Brisaci capti nuntium opperimur. Et jam rumores quidam ex omnium spe nati eum praeveniunt. Sabaudica viduaGa naar voetnoot9 arces et oppida implevit Gallico milite metuens, ne a populo in cardinalis SabaudiGa naar voetnoot10, qui cum exercitu in proxima penetravit, manus traderetur aut etiam interficeretur cum infanteGa naar voetnoot11, qui jam unus spem cardinalis illius moratur. Quam bene caverunt leges Quiritium, ne apud substitutum educatur pupillus. Fisci advocatio non homine tantum erudito ac diserto, sed et firmo inconcussoque indiget. Videbimus ex electione, an qui Batavis praesunt, rempublicam curent ut ad se pertinentem, an negligant ut alienam. De librorum censoribus quod scripseram scire cupiam, an ad Trajectinam | |
tantum terram, an vero ad omne solum Foederatorum juris pertineat, et quam late pateat et num observetur. Vale cum parentibus optimisGa naar voetnoot1, uxoreGa naar voetnoot2, liberisGa naar voetnoot3. 27 Novembris anni 1638. Tibi obligatissimus frater
|
|