Briefwisseling van Hugo Grotius. Deel 9

3862. 1638 november 27. Aan S. Andreae⁶.

Clarissime Domine,

Laetum fore virilis stirpis enatae⁷ nuntium apud reginam nostram⁸ Suediamque omnem, sicut saepe hic regi⁹ ac reginae¹⁰, ejus uxori, affirmavi, ita id ipsum rebus perspicuis comprobatum gaudeo. Neque in iis referendis et repetendo gratulationis officio ero cessator.

Quid de diplomatis illis pro tuto Germanorum itinere postulatis factura sit aula Viennensis, attente exspectat orbis christianus ex eo judicaturus, penes quem stet quod tam diuturnis Germaniae calamitatibus non adfertur medicina. Ut pax reperiatur aut colloquiis, quod sane optandum est, aut, si hostium pertinacia eo nos compellit, armis, perutile erit excellentissimos D.D. regni rectores¹¹ in proximis locis velut in specula esse atque inde lucem immittere rebus caliginosis.

6 Gedrukt Epist., p. 483. Voor geadresseerde zie men no. 3616, p. 349 n. 2.

7 Lodewijk XIV, geboren op 5 september 1638.

8 Christina van Zweden.

9 Lodewijk XIII.

10 Anna van Oostenrijk, koningin van Frankrijk.

11 Voor hun namen zie men no. 3424, p. 40 n. 1.

[p. 713]

Habeo gratiam pro chartis transmissis, e quibus cognosco Palatinum¹ ad avunculi sui² hactenus quidem exemplum tales expetere contractus, qualia judaeorum sunt conjugia, a quibus vir potest discedere, mulier non item. Eos contractus jurisconsulti claudicantes vocant. Multum effecerit, si quis cancros istos marinos doceat recta incedere.

Ego apud vos quae geruntur discere maxime cupio, ut ad arcticorum siderum conspectum meos cursus regam.

Vale, vir clarissime.

Lutetiae, 17/27 Novembris anni 1638.

Claritudini Vestrae optima volens animo amicissimo
H. Grotius.

1 Karl Ludwig van de Palts.

2 Karel I van Engeland.