Briefwisseling van Hugo Grotius. Deel 9

3616. 1638 juni 5. Van S. Andreae².

Illustris ac Excellentissime Domine legate,

Temerarium me forte Excellentia Vestra iudicaret, qui nullo nomine Excellentiae Vestrae cognitus nec praevia aliqua commendatione fultus viam mihi ad Excellentiam Vestram stravi, literis meis Excellentiam Vestram compellare non verear, nisi illustrissimi domini regni cancellarii³, domini mei gratiosissimi, apud quem amanuensis munere fungor, iussu, qui has partes mihi in absentia domini secretarii Smaltzii⁴, qui antehac ad Excellentiam Vestram de statu rerum nostrarum, quo in articulo is domi forisque versetur, perscribere solitus est, demandavit, et Excellentiae Vestrae humanitate, ut indubia fama percepi omnibus obvia, niterer. Nec dubito, quin Excellentia Vestra idipsum grata et benevola mente sit acceptura; quod, si intellexero, argumentum mihi erit ac stimulus eo in incepto pergere donec dominus Smaltzius in patriam redux munus hoc obire possit.

Veniam dabit Excellentia Vestra, si nihil inveniam digni, quod Excellentiae Vestrae dare possim commodiora praestolaturus tempora, quae uberiorem mihi suppeditare possint materiam. Haec tamen e re esse putavi hac vice nunciare. Principes Lavenburgenses⁵ in hoc unice incumbunt, ut Germaniae, ipsorum patriae, optate pax redear, quae hoc tempore variis belli incendiis deformata est, et dissidia inter nos et Caesarem⁶ orta in particulari tractatu sopiantur. Qui idcirco S.R.M.^tem dominam nostram clementissimam⁷ literis suis invitarunt et variis argumentis hac allicere pertentarunt, quibus S.R.M.^tas respondit, adhibitis iis verborum formulis, quibus principes ac tanti momenti res digna fuit, omnia ad communes tractatus propter foedus cum christianissimo rege⁸ sancitum referens.

Idipsum responsi reportavit rex Daniae⁹, qui ad pacem condendam suasor est et inter nos er Caesarem mediatorem se pollicetur.

2 Gedrukt De Librye, no. 1, october 1887, p. 7. De schrijver Samuel Andersson was kanselier.

3 De Zweedse rijkskanselier Axel Oxenstierna.

4 Peter Abel Schmalz.

5 Voor hun namen zie men no. 3479, p. 128 n. 11.

6 Ferdinand III.

7 Christina van Zweden.

8 Lodewijk XIII van Frankrijk.

9 Christiaan IV.

[p. 350]

In eo quoque imperii vice-cancellarius Curtius¹ laborat, qui hanc ob causam ab imperatore huc missus aequas, iustas, nobis proficuas nec ab honore et maiestate regni alienas conditiones ut ferunt ostentans. Sed dum hisce verborum lenociniis nos haud permoveri nec tam facile induci, ut hisce suis elusoriis artibus nobis diutius imponant, persenserit, regi Daniae ac toti orbi causam nostram exosam reddere occipit et animorum a pace alienorum nos insimulans, ut ex literis eius hic annexum exemplum² fusius Excellentiae Vestrae dictabit.

Mentem dominorum regentum³ quamvis ex dato S.R.M.^tis responso rex Daniae sat abunde intellexit, conventum tamen urgere, tractatus particulares promovere, legatos suos⁴ Lubecam destinare non destitit. Haec de pace quam omnes suspirant, nemo rationes et viam obtinendi monstrare potest. Sat esto; transeo ad propiora.

Domini regentes circa expeditionem militarem sunt occupati ante aliquot dies militem copiosum, quem huc, Calmariam ad aliaque loca maritima ex provinciis convocaverant nec antea propter dissita loca se hic sistere poterat, in Germaniam ad campi-mareschallum dominum Banerium⁵ expedire animus est. Affulget spes ex milite caesareo fame, frigore aliisque cladibus, elapso hieme ac vere afflicto necdum satis reconvalescente, melioris fortunae et successus, de quo Deum Omnipotentem supplex invoco, in cuius tutela Excellentiam Vestram humiliter ac officiose commendo.

Excellentiam Vestram officiose colens
Samuel Andreae
propria manu.

1 Ferdinand Siegmund Kurz.

2 Ontbreekt.

3 Voor hun namen zie men de ondertekening van no. 3612.

4 Uiteindelijk werden Tage Ottesen Thott en Christian Thomsen Sehested naar Lübeck afgevaardigd.

5 De Zweedse veldmaarschalk Johan Gustavsson Banér.

Stocholmiae 26 Maii A^o 1638.

Adres: Illustr. ac Ex. Domino S.R.M.^tis ad Christianissimum Galliae regem legato ordinario.