Briefwisseling van Hugo Grotius. Deel 9

3612. 1638 juni 3. Van Christina van Zweden⁵.

Christina Dei gratia Suecorum, Gothorum Wandalorumque designata Regina et Princeps haereditaria, Magna Princeps Finlandiae, Dux Esthoniae et Careliae Ingriaeque Domina etc.

Gratiam et favorem nostrum singularem.

Nobilis ac magnifice, nobis sincere fidelis,

Cum nemo non hominum discendi desiderio teneatur, e re atque feliciori virtutum heroicarum incremento filii natu majoris illustrissimi principis domini Caroli Gustavi, comitis Palatini ad Rhenum etc.⁶ ad summa quaeque et principe digna aspirantis, necesse judicavit suae Dil.^nis honorandissimus parens, illustrissimus princeps, consanguineus et amicus noster carissimus doninus Ioannes Casimirus, comes Palatinus ad Rhenum, Iuliaci, Cliviae et Montium dux etc.⁷, in exoticas regiones ac peregrinas terras regnaque extera majoris experientiae adipiscendae caussa eandem suam Dilect.^nem expedire.

5 Hs. Stockholm, RA., Gallica, Brev. till Legaten Hugo Grotius 1635-1638. Oorspr. Beantw. d. no. 3735.

6 Karl Gustav (1622-1660), paltsgraaf van Zweibrücken, later bekend geworden als Karel X, koning van Zweden.

7 Johann Kasimir (1589-1652), paltsgraaf van Zweibrücken, gehuwd met Katharina dochter van de Zweedse koning Karel IX (1550-1611) en bijgevolg zuster van Gustaaf II Adolf.

[p. 346]

Atque in Gallias cum suo tempore ire constituerat sua Dilect.^o, intermittere minime potuimus, quin et itineris a praetacta sua Dilect.^ne instituti certiorem te redderemus et sicubi tuo consilio aut opera in quoquam sive peregrinationem prudenter ac circumspecte instituendam concernente sive visitandis adeundisve locis, urbibus atque aulis, unde conquiri rerum maximarum singularis notitia expedit, clementer te adhortaremur tibique hisce mandaremus, ut quicquid eam in rem aut eius generis alia abs te conferri poterit, id pro tua prudentia ac candore, quando opus ac necesse fuerit, contribuas.

In quo quidem, si quid aut consilii aut operae suae Dilect.^nis praestiteris, clementer id erga te agnoscemus et grata eiusce officii tui penes nos recordatio constabit.

De caetero te divinae protectioni commendamus.

Dabantur in regia nostra Stocholmensi, die 24 Maij Anno 1638.

Sac.^ae Reg.^ae Mtis Regnique Sueciae respective Tutores et Administratores

Gabriel Oxenstierna
Gustavi
R.S. Archidapifer
Axelius Oxenstierna,
R.S. Cancellarius mp.
Jacobus De La Gardie
R.S. Marschallus mp.
Gabriel Oxenstiern L.B.
in Moerebij et Lindholm,
R.S. Thesaurarius mp.
Carolus Gylldenhielm
Regni Ammiralius mp.

Adres: Nobili et magnifico nobis sincere fideli, nostro apud christianissimum Galliarum regem legato ordinario, domino Hugoni Grotio clementer.

In dorso schreef Grotius: Epistola Reginae pro D. Gustavo. 24 May 1638.

En boven aan de brief: Rec. 17 Augusti.

Onderaan staat nog: Hug. Grotio.