Briefwisseling van Hugo Grotius. Deel 9
(1973)–Hugo de Groot–
Auteursrechtelijk beschermd3752. 1638 augustus 30. Van Willem de GrootGa naar voetnoot11.Frater optime, Magna me laetitia affecere eae, quas ad me XXI hujus mensis dedisti litteraeGa naar voetnoot12, in quibus fraternum tuum in me animum non dubiis deprehendo indiciis. Ut jam te de iis, quae postulas, quantum in me est, certiorem faciam, audio proxima septimana comitia Ordinum cogenda, in quibus de cura rerum fiscalium disceptabitur. KinschotiusGa naar voetnoot13 eam sibi, donec de alio prospectum sit, mandari | |
rogat. GraswinkeliiGa naar voetnoot1 aliae sunt cogitationes, qui camerae rationali incumbere putat, ut civilibus fisci rebus recte consulatur; ita illud muneris VenioGa naar voetnoot2 olim mandatum, antequam criminales causae, quae ab alio tunc temporis exercebantur, accederent. Non dubito, quin illeGa naar voetnoot3, cui in Camera praeses avunculusGa naar voetnoot4, cognatus ForestusGa naar voetnoot5, amici reliqui, aliis sit praeferendus, quare consideratis et iis et rationibus a te adductis, videbo, quid ea de re ex consilio amicorum, - quos paucos hic habemus -, sim constituturus. Gratissima etiam sunt quae de victoria ducis VinariensisGa naar voetnoot6 nuntias et quidem eo magis, quod ex tuo silentio nihil mali filiisGa naar voetnoot7 in tanto conflictu evenisse intelligo, pro quibus valde fui sollicitus. Neque minus me juvat quod de suppliciis iis, qui vim publicam in te commiserant, destinatis scribis; neque enim aliter tantum potuit flagitium expiari. Tu quod pro nocentibus intercedis, et pie et sapienter facis. Interea princepsGa naar voetnoot8 infaustis ominibus otium suum, quod et Galli et Suedi optabatis, exuit coactus obsidionem Gelriae tribus castris tentatam, quia laterum compages nondum intermediis locis satis erant firmatae, aliquatenus solvere admissis ad urbem hostilibus copiis non sine egregia equitatus, qui sub RantwikioGa naar voetnoot9 ea loca insedeat, pugna. Sed pauciores longe pluribus et validioribus aditum concessere. Comes Fredericus NassaviusGa naar voetnoot10 occubuisse, princeps LusitaniaeGa naar voetnoot11 monachus excucullatus et suae olim religionis ejurator vulneratus captusque esse dicitur. E sex tormentis bellicis, quae ex castris Henrici NassaviiGa naar voetnoot12 in castra principis - ita enim jusserat occurrere Hispano cardinaliGa naar voetnoot13 parans - advehebantur, quatuor in potestatem hostium, qui urbe pariter eruperant, venere, reliqua duo caeno hausta, neutri sibi vindicare audent. Princeps tamen ab urbe nondum recedit, quanquam ei ex altera parte adsidente Hispano. Praevalent equitatu hostes, sed peditatu longe inferiores sunt: magna sane famae jactura hic nobis stabit conatus. Amstelodami reginae matriGa naar voetnoot14 omnia in introitum magnifica parantur; nos interea de partu reginaeGa naar voetnoot15 a vobis nuntios expectabimus. Vale. Tibi obsequentissimus frater
| |
XXX Aug. 1638 postridie captivitatis tuae vigesimum ante annum. | |
In margine: ParentibusGa naar voetnoot1 quae uxorGa naar voetnoot2 injunxit, ubi reditus vitalitii erunt recepti, annumerabo. Petrus nosterGa naar voetnoot3 foro se parat, cui ego et hortator et adjutor non deero. Uxori liberisque ego meaGa naar voetnoot4 meiGa naar voetnoot5 commendari expetimus.
Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris. Boven aan de brief schreef Grotius: Rec. 9 Sept. En in dorso: 30 Augusti 1638 W. de Groot. |
|