Briefwisseling van Hugo Grotius. Deel 9
(1973)–Hugo de Groot–
Auteursrechtelijk beschermd3749. 1638 augustus 28. Aan A. OxenstiernaGa naar voetnoot3.Excellentissime atque Illustrissime Domine, De proelio illo, quo dux VinariensisGa naar voetnoot4 SavelliumGa naar voetnoot5 GoetsiumqueGa naar voetnoot6 devicit, nondum quidem ex TruchesioGa naar voetnoot7, qui nondum rediit, sed collatis complurium literis discimus specialiora: diem, quo pugnatum est, fuisse undecimum, ut hic loquimur, Augusti ac Lunae diem; locum, ubi concursum est, non longe Offenburgo ad Schutteram. Initio statim proelii prima acies hostium caesa captaeque ejus machinae; sed instauravit proelium dubiamque ejus per octo prope horas fortunam fecit postrema hostium acies, cui se ducis exercitus fortiter opposuit pari Germanorum et Gallorum virtute seroque victoriam adeptus est. Caesi hostium plus mille, signa, ut scripsi antehacGa naar voetnoot8, capta supra octuaginta, hominum numerus ingens, machinae, sarcinae, chartae et commeatus magna copia; pedites abjectis armis fugerunt prope omnes. Epistola ad me ducis scripta erat Mittenwegiae statim post pugnamGa naar voetnoot9. Rumor hic sparserat se Basilea veniens Savellium mortuum, Goetsium a RosaGa naar voetnoot10 captum; sed nihil certi comperimus. A castris ad Fontarabiam habemus 3 Augusti naves Hispanicas, quae globos multaque alia inferre ad obsessos agitabant a Gallica classe fugatas, captas Pinassas tres, septem depressas mersasque, 4 ejusdem mensis die ex eo milite, quem classis Gallica attulerat, datos successores praesidiariis Passagii. At quinto die terrestri itinere in oppidum penetrasse itidem cum globis ac bellico pulvere Hispanos et Hibernos ad octuaginta. Septimo die alii hostium quadringenti, qui et ipsi in oppidum se perventuros speraverant, repulsi. Octavo facta ex oppido eruptio in | |
littus maris cum clade ipsorum retusa. Duodecimo capti a Gallis, qui literas ad praefectum oppidiGa naar voetnoot1 ferebant auxilia promittentes duplicibus copiis ex Castella et ex Navarra; qua de re edoctus princeps CondaeusGa naar voetnoot2, diligenter inquisivit in vias, per quas auxilia illa advenire possent. Publicant Galli caesas a se tres cohortes ducis CaroliGa naar voetnoot3 ad Montempellicardi secundo Augusti. Undecimo autem non longe a S. Quintini oppido caesos ad CLXXX homines, qui ex praesidio Cameraci exierant. Aliunde discimus Vadanum oppidum captum a duce Carolo; a LongavillanoGa naar voetnoot4 vero Autream captam, impeti ChamplitamGa naar voetnoot5. ChevreusiaGa naar voetnoot6 accepta a RegeGa naar voetnoot7 venia ac pecunia huc se transfert. Galli, qui Rentiacum ceperant et jam sub HalerioGa naar voetnoot8 sunt duce, Casteleti obsidium inceptant. Literae Italicae nos docent 13 Junii captas a Melitensibus tres Turcarum naves apud Siciliam. Aliae vero circa Pragam tenere se novos dilectus in Austria factos, exspectari ibidem et imperatoremGa naar voetnoot9 et electorum legatosGa naar voetnoot10. Naves illas, quas a Venetis in Adriatico sinu captas dixeramGa naar voetnoot11, fuisse duodecim naves longas, brigantinas duas, a Tunete et Algeria. Siliciam multum infestari a Turcis. Rentiacum Galli detractis munimentis relinquunt ejus potestati, qui per agros plus valebitGa naar voetnoot12. Quid facturus sit CastilionaeusGa naar voetnoot13, nondum apparet. Deus, Excellentissime et Illustrissime Domine, Tuae Sublimitatis consilia bono reginaeGa naar voetnoot14, regni orbisque christiani sospitet. Tuae Sublimitatis cultor devotissimus
| |
Lutetiae, 18/28 Augusti 1638.
Venit jam ad me Truchesius, ait in proelio duci non plus fuisse octo millibus, cum hosti essent prope quatuordecim millia. Brisacum sperat intra tertium mensem fame venturum in ducis potestatem; TubadeliumGa naar voetnoot15 non mortuum esse sed captum jam cognoscimus. Mitto historiam rerum ante proelium et proelii quam dedit mihi Truchesius. | |
Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario. |
|