Briefwisseling van Hugo Grotius. Deel 9

[p. 184]

3514. 1638 april 3. Aan Willem de Groot¹.

Quae literis datis 22 Martii², mi frater, scribis de Kinschotio³, valde sunt credibilia. Tam potente adjutus aura facile scopulos omnes eluctabitur.

Veniet ad vos Ackerlaeckius⁴, qui de rebus Egmundanis⁵ et de illo Somfiano negotio⁶ tecum ita jussus colloquetur.

D. Godofredus⁷, vir antiquae probitatis, gratias mihi egit ac per me tibi, quod res ipsius cordi tibi esse velis. Certe dignus est, cui nulla fiat injuria.

Vinariensis⁸ res in maxima spe sunt multumque incrementi haud dubie sunt accepturae, si et palatinus⁹ se moveat, quod sine Anglica pecunia nequit fieri. Ejus liberalitatis exemplum Gallia sequi vult, non praecedere.

Graswinckelium¹⁰, si quis se ad honores aditus aperiret, facturum, quod facit, nunquam dubitavi. Δοϰιμαζέτω ἄνϑϱωπος ἑαυτόν¹¹.

Petrus¹² jam itineri se accinxerat, cum subito apparuit vir multarum palmarum, qui ei quae luxata sunt reponere aggreditur et ex initiis spem ei aliquam facit. Videtur si non persanaturus, certe imminuturus hoc vitium¹³. Id obstat, quominus jam te in forum sectetur. Diligentia studiorum et aviditate discendi probavit se mihi. Spero et talem apud vos fore et praesertim hortatore ac te magistro. Plurimum nos devinxeris si eum, ut nostra hactenus omnia, tuae curae facias. Dolet nobis, quod semper tibi molesti nullum reperimus officii genus, quo tuae respondeamus in nos benignitati.

Losecatio¹⁴ literas dedi. Erit nobis, dum manere volet, gratus hospes. Quominus consilia vestra se revocantium sequatur, non obstabimus.

De uxore ita est, ut dicis. Maris est impatiens. Et terrestre iter multa in se habet pericula. Tempus nos forte hac sollicitudine expediet. Gratias ago, quod meae libertatis diem festum habeatis¹⁵ Deumque oro, ut parentes¹⁶, te, tuos et omnes, quibus ea res voluptatem attulit, servet ac prosperet.

Tibi obligatissimus frater
H. Grotius.

1 Gedrukt Epist., p. 876. Antwoord op no. 3503; beantw. d. no. 3532.

2 No. 3503.

3 Mr. Nicolaes van Kinschot.

4 Barthold van Akerlaecken.

5 Zie VIII no. 3114, p. 347 n. 13.

6 Ernst Zuhm.

7 Théodore Godefroy; zie no. 3481.

8 Bernhard, hertog van Saksen-Weimar.

9 Karl Ludwig van de Palts.

10 Dirck Graswinckel.

11 1 Cor. 11, 28.

12 Pieter de Groot.

13 Pieter was nl. mank.

14 Diderik van Losecaat.

15 Grotius was op 22 maart 1621 uit Loevestein ontsnapt; zie het slot van no. 3503.

16 Jan de Groot en Aeltgen Borre van Overschie.

Lutetiae 3 Aprilis 1638.

[p. 185]

Venit ad nos Pelsii filius¹ et quidem, ut cupio, quamprimum. Si eum videris, mone, ut Graecas etiam literas discat pingere. Id vel in itinere poterit facere.

Exspecto Curcellii librum² et Idololatriam Vossii³ et Salmasii usuras⁴ et si quid est aliud lectu dignum. Ego mihi videor ad res sacras Aurati⁵ nostri usurus opera consciis regis⁶ ministris, ne id ei noceat.

1 Pieter Pels.

2 Etienne de Courcelles; over het boek zie men no. 3477, p. 126 n. 7.

3 Dit werk van Gerardus Johannes Vossius verscheen eerst in 1641: De theologia gentili, et physiologia Christiana; sive de origine ac progressu idololatriae, ad veterum gesta, ac rerum naturam, reductae, deque naturae mirandis, quibus homo adducitur ad Deum, liber I et II. Liber III et IV. Amsterdami, apud Iohannem et Cornelium Blaeu, 1641.

4 De Vsuris Liber, Clavdio Salmasio auctore. Lvgd. Batavor. Ex Officina Elseviriorum. MDCXXXVIII.

5 François d'Or.

6 Lodewijk XIII van Frankrijk.