Briefwisseling van Hugo Grotius. Deel 9

3447. 1638 februari 8. Van Willem de Groot.³

Frater optime,

Tuas, quas 2. hujus novi anni ad me dedisti, litteras⁴ nuper accepi; fuerunt enim ad Reigersbergium⁵ missae Ultrajectum, qui reversus eas ad nos retulit.

Jucundum mihi est intelligere te a Strateno⁶ non ineleganti carmine celebratum⁷.

Pro fideli, quod mihi in mea causa suppeditas, consilio⁸ gratias ago infinitas et gaudeo meas cogitationes tibi probari; non credas, quam me divexaverint amici importune molesti. Quo in loco jam res ea sit, e posterioribus meis⁹ precipere poteris. Is, de quo tunc scripsi¹⁰, a Servio¹¹ propellitur, ut illud muneris suscipiat, qui spem illi facit brevi succedendi Tertulliano¹², cujus et eum et alios jam satietas cepit. Et jam huic alius destinatur locus, quem ambierat Charisius¹³ jam mortuus.

3 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Beantw. d. no. 3465.

4 No. 3405; vgl. no. 3438.

5 Nicolaes van Reigersberch.

6 Pieter van der Straten.

7 Over dit gedicht zie men no. 3325 (dl. VIII, p. 692 n. 11).

8 Zie no. 3405.

9 No. 3438.

10 Nicolaes van Kinschot.

11 Schuilnaam voor Frederik Hendrik.

12 Jacob Cats; Grotius heeft erboven geschreven: Catsius.

13 Rochus van den Honaert; hij was op 30 januari overleden. Grotius heeft erboven geschreven: Honartius.

[p. 76]

Quomodo jam hic vivatur, melius faudo quam scribendo perciperes: uxorem tuam et filiam¹ expecto, sed imprimis Petrum², quem jam in itinere esse credo.

Aqua, quae nobis magnam omnium, quae victui necessaria sunt, copiam afferre solet, nunc omnia nostra sata corrupit; tandem desaeviente hyeme montes glaciales in fluvio enati evanuere Vahali suum cursum permittentes, unde et Rehno speratur omnium calamitatum restauratio.

Vale, frater optime, et alias plura expecta; nunc me vespertinum tempus a scribendo supersedere jubet.

Hagae, VIII. Febr. 1638, quo die Imperator theologus³ magnificus Leidae rector creatus est.

Tibi obsequentissimus frater
Guilielmus Grotius.

1 Cornelia de Groot.

2 Pieter de Groot.

3 Constantijn l'Empereur van de Oppijck aant. (1591-1648). Hij vervulde het rectoraat van 8 februari 1638 tot 7 februari 1639.

Adres: A Monsieur monsieur Grotius Ambassadeur de la Reine et couronne de Suède prez le Roy Trèschrestien A Paris.

In dorso schreef Grotius: 8 Febr. 1638 W. de Groot.

En boven aan de brief: Rec. 18 Febr.