Briefwisseling van Hugo Grotius. Deel 8

[p. 521]

3225. 1637 augustus 29. Aan S. Bielke¹.

Illustrissime Domine,

Omnis illa inquisitio in via Angliam versus, in monasterio Vallis Gratiae, apud Chevreusium² captusque et auditus reginae³ cubicularius, qui in Bastilia est, Laportius nomine⁴, eo pervenit, ut non literis tantum, sed et sua scripta signataque confessione regina manifesta esse dicatur sociatorum cum Hispania consiliorum in fraudem Galliae. Ea res facit, ut sperare liceat etiam gravius quam antehac exarsura inter Gallos Hispanosque odia dubiam reginae famam illis onerantibus, his tuentibus.

Rex⁵, cum ei his diebus ducis Bernhardi⁶ negotium commendarem, pollicitus est se ipsius aucturum copias, quantum Galliae res paterentur. Laudabat idem rex marescalli Bannerii⁷ res gestas et quidem ut peritum se talium judicem satis ostenderet; addebatque non obscure id agi a caesarianis⁸, ut Suediam Galliamque distraherent. Quod vel maxime cavendum utrisque.

In Belgico fine mutuo metu Hispani Gallique distinentur et illi ad Montem Hainoviae se tenent, hi ad Malbodium sedulo se immuniunt; videturque sine ulla re magna iis in locis transiturus hic annus.

Legati Angli⁹ frequentia cum regis Galliae ministris colloquia habent. Volunt tamen Galli nos credere nihil actum esse, nihil actum iri, nisi hac conditione, si et Suedi se adjungant et Batavi.

Multae ex Germania literae ajunt Bavari filium¹⁰ esse mortuum, filium autem minorem Alberti Bavari¹¹ fore coëpiscopum Coloniae. Bernatibus infensam esse aulam caesarianam, tum ob alia, quae vicinarum urbium praefecti in pejus nuntiavere, tum ob permissum aliquoties transitum militi externo. Constantiae auctum praesidium. A Rhaetis legatos¹² ire in Hispaniam testandi obsequii, et ut firmentur aut etiam augeantur concessa a Leganesio¹³. Eosdem a Leganesio urgeri, ut promissum Hispaniae in usus militem sine mora mittant. Missum et a duce Parmensi¹⁴ legatum¹⁵ in Hispaniam de suis rebus.

1 Gedrukt Epist., p. 354. Gelijkluidend aan no. 3226 dd. 29 augustus aan L. Camerarius; zie aldaar, p. 522. Voor Sten Bielke zie men no. 2945, p. 67 n.7.

2 Claude de Lorraine, hertog van Chevreuse, gehuwd met Marie de Rohan.

3 Anna van Oostenrijk, koningin van Frankrijk.

4 Pierre de La Porte. Hij had een kamer in het hôtel de Chevreuse, rue Saint Thomas du Louvre; vandaar de huiszoeking bij De Chevreuse. Men zie overigens ter zake ook nos. 3215 en 3217.

5 Lodewijk XIII van Frankrijk.

6 Bernhard, hertog van Saksen-Weimar.

7 De Zweedse veldmaarschalk Johan Gustavsson Banér. Men zie ter zake no. 3188 dd. 1 augustus van Axel Oxenstierna.

8 De troepen van keizer Ferdinand.

9 De ordinarius Engelse gezant in Parijs was burggraaf John Scudamore, zijn extra-ordinarius collega Robert Sidney, graaf van Leicester.

10 Ferdinand van Beieren, zoon van keurvorst Maximiliaan; hij stierf in 1679.

11 Albrecht van Beieren, broer van Maximiliaan. Zijn tweede zoon, Maximilian Heinrich, werd in 1650 bisschop van Luik en aartsbisschop-keurvorst van Keulen.

12 Voor hun namen zie men no. 3096, p. 325 n. 3.

13 Diego Mexia Felipes Guzmán, markies van Leganés, Spaans gouverneur van Milaan.

14 Odoardo Farnese, hertog van Parma.

15 Niet geïdentificeerd.

[p. 522]

Cairum oppidum in via, qua ad Finale itur, captum a Gallis et Pedemontanis, quos nunc imminere Carcanae, loco inde haud ita multum absito, Itali nunciant. Sane nunc nuncii ad nos adveniunt capta a Gallis, qui ad Belgicum sunt finem, alterum oppidulum, alterum municipium. Illi Bellimontio, huic Sorae nomen. Ea evenere diebus XXII et XXIII hujus mensis, ut hic numerum inimus.

Precor omnia optima tibi familiaeque tuae, Illustrissime Domine.

Excellentiae Tuae perpetua observantia addictus
H. Grotius.

Lutetiae, 19/29 Augusti MDCXXXVII.