Briefwisseling van Hugo Grotius. Deel 8
(1971)–Hugo de Groot–
Auteursrechtelijk beschermd3197. 1637 augustus 8. Aan S. BielkeGa naar voetnoot10.Illustrissime Domine, Pro literis 6 IuliiGa naar voetnoot11 ab Illustrissima Dominatione vestra ad me datis gratias habeo: et ea, quae dominus BaneriusGa naar voetnoot12 prudenter fortiterque fecit, ipso narrante cognoscere si non dulce - neque enim omne tempus parit dulcia -, certe mihi perutile fuit, ut de re ipsa, qualis est, loquar et ex ea arripiam occasiones pressius etiam agendi, quod pridem ago, ut homines hos satis somniculosos circa res Germanicas, si non nostrarum rerum respectu, proprio ipsorum periculo excitem. Aequum enim esse dico, ut nos in pacificando amicorum habeamus rationem, sed | |
ita si et ipsi nos in bello non negligant hostibusque objectent solos et improtectos. De ducis BernhardiGa naar voetnoot1 progressibus sperare nos meliora Galli jubent, sero sane hac anni tempestate tantumque retroactis rebus nostris. Sed tamen id, qualecunque erit, apponemus lucro. PicolominiusGa naar voetnoot2 valetudine recuperata ad exercitum suum rediit, qui VII peditum millibus, mille et octingentis constat equitibus. Mosam transiit ad Genaium Carlemontio non procul. Quod cum III hujus mensis cognovissent cardinalis ValettaGa naar voetnoot3 et MillereiusGa naar voetnoot4, de eo exercitu, qui Landresium ceperat, III peditum, IV equitum sumtis millibus, machinis VIII, alimentis in sexGa naar voetnoot5 dies, ivere visuri, an pugnae reperire occasionem possent relicto quod supererat copiarum sub ducis CandaliiGa naar voetnoot6 imperio ad Malbodii obsidium. Apud Gravelingam tria castella, sed modica cepere ab hoste Galli sub SanctipreulioGa naar voetnoot7. PontificisGa naar voetnoot8 morbus vitam ei ad finem hujus anni vix videtur permittere. Ex quo cardinalis MedicaeusGa naar voetnoot9 validissimo cum comitatu Romam ingressus cuncta vi sua tracturus videbatur, pontifex milites CCCC Corsos in urbem advocavit. Genuatibus merces, quae in Batavorum repertae erant navibusGa naar voetnoot10, non reddit HispanusGa naar voetnoot11 accessitque ad offensas, quod Genuates velut per annonae curam mitti alimenta ad Hispanos exercitus et ad loca Liguriae Hispanis insessa vetuere diciturque is, qui nunc ducis magistratum ibi adeptusGa naar voetnoot12 est, Gallicae quam Hispanicae amicitiae addictior. Hispani Aglianum muniunt castraque habent Asta non procul a Cruceblanca Tanaro tenus. Nec inter eos SabaudumqueGa naar voetnoot13 agitur quicquam: quin et Gallum militem a se ablegavit Sabaudus, quasi ad tutelam agri Montisferratensis, non tamen ut sermones evadat consilia ejus a GallicisGa naar voetnoot14 aliena pridem inspectantium. Ager ille Montisferatensis multum raptatur ab Hispano. Bremi praesidiarii detrahunt Lomelli quae fuerant munimentaGa naar voetnoot15. Rhaeti tandem post relationem, credo, in Hispaniam ejus negotii factam responsa accepere, quibus ipsorum imperium jurisdictioque in Vallem Telinam ac Clavennam firmatur. De religionis reformatae exercitio nihil eis promittitur: | |
Videtur enim velle Hispanus, ea res ut perpetuo sui sit arbitrii laxaturus aut adducturus fraena pro usu temporumGa naar voetnoot1. Helvetii duces multum instant apud legatum, qui ibi est, GalliaeGa naar voetnoot2, ut stipendia persolvantur. Ille eos ad Bulionium, aerarii praefectumGa naar voetnoot3, Bulionius ad legatum vicissim rejicit. Ut Burgundia utraque bello eximatur, laborat etiam Sabaudus, sed nihildumGa naar voetnoot4 proficit. Vesontionem tutatur castris propter positis dux LotharingusGa naar voetnoot5, commeatus habens uberes. Sicut Austriaci oppidorum silvestrium praesidia, ita suum auxere Basileenses pressi supra infraque caesarianorumGa naar voetnoot6 castellis. Mauri piratae Marugium in Tarantina ora expilarunt. Ex Polono juveneGa naar voetnoot7 intelligo in ea quoque gente de Persico commercio consilia agitari. Deus, Illustrissime Domine, tibi tuisque adsitGa naar voetnoot8. Illustrissimae Dominationi Tuae observantissimusGa naar voetnoot9
| |
Lutetiae, 8 Augusti MDCXXXVII |
|