Briefwisseling van Hugo Grotius. Deel 8

[p. 434]

3173. 1637 juli 21. Van Willem de Groot¹.

Frater optime,

Venit ad te filius², quem citius discessisse vellem, sed hic nulla se obtulit occasio et per Selandiam iter diu dissuasit senator Reigersbergius³, tandem vero nihil aliud superesse videns adsensum suum praestitit. Cepit se jam aliquo pacto foro parare Petrus descriptis iis, quas ego habui formulis; non male facturum arbitror, si ex tuis libris fundamenta juris accurate hauriat eaque ad naturae principia referre discat; valet memoria et ingenio, ita ut nihil illi desit, quominus ad egregium nomen perveniat. Cogita, an non illi titulum de legibus velis proponere, ut de ea materia pro gradu disputet.

Testimonium Delfensium⁴ in causa tua diu desideratum tandem per filium mitto, aut exemplum potius, authenticum enim cum reliquis munimentis servare decrevi: Rotterodamenses nisi viam compromissi - de qua senator Reijgersbergius ad vos scripsit⁵ - inire velint, ego tibi auctor sum, ut Rothomagi aut in Galliis alibi bona Rotterodamensium arresto includi facias atque ita tuum jus impeties.

Ostendi Utenbogardo⁶, quae nuper de Mileterio⁷ scripsisti⁸; probat ille consilium tuum, ut benigne tractetur vir ille, qui ab adversariis desciscere incipit. Librum Mileterii⁹, cujus mentionem facis, expectabimus. Episcopius¹⁰ ecquid jam scribat, melius ex Utenborgardo intelliges. Litterae, in quibus mentionem Brandani¹¹ facis aut aliqua de successore meditatum te indicas, in meas manus nondum venerunt; audio commercia litterarum terrestri itinere esse restituenda, quod Deus faxit, ut statis diebus de negotiis vestris fiamus certiores.

Princeps Arausionensis¹² Bredae obsidioni imminere creditur, cujus urbis ut potiatur, Hollandiae nostrae plurimum interest, quanquam Hispanienses nullum non lapidem moturos putem, ne hoc fiat.

Vale, frater optime, cum uxore et liberis¹³.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Antw. op no. 3151; beantw. d. no. 3209.

2 Grotius' tweede zoon Pieter, wiens terugkomst na een studieverblijf in het vaderland aanstaande was.

3 Nicolaes van Reigersberch.

4 Vgl. o.a. no. 3129. De attestatie is afgedrukt bij Brandt-Cattenb., Leven II, p. 139.

5 No. 3095.

6 De remonstrantse predikant Johannes Wtenbogaert.

7 Théophile Brachet de la Milletière, Frans theoloog.

8 No. 3151.

9 Le moyen de la paix chrestienne en la réunion des catholiques et des évangéliques sur les différens de religion, divisé en 4 parties. Première partie. Réfutation de la procédure de M. Daillé en son Examen. Par T.B., sieur de L.M. Paris, 1637.

10 De remonstrant Simon Episcopius. Betreffende zijn geschrift zie no. 3151, p. 402 n. 6.

11 Brandanus Daetrius -Brandan Dätri-, Grotius' huispredikant.

12 Frederik Hendrik.

13 Alleen Cornelia was bij haar ouders in Parijs. Cornelis bevond zich in Stockholm, Diederik in het gevolg van Bernhard van Saksen-Weimar en Pieter was op het punt na een studieverblijf in het vaderland de thuisreis te aanvaarden.

Hagae, XXI Iulij 1637.

[p. 435]

Adres: A Monsieur Monsieur Grotius, Ambassadeur de la Reine et couronne de Suède prez le Roij Trèschrestien A Paris.

In dorso schreef Grotius: 21 Iulij 1637. W. de Groot.

En boven aan de brief: Rec. 13 Aug.