Briefwisseling van Hugo Grotius. Deel 8

3087. 1637 mei 22. Aan S. Bielke¹⁴.

Illustrissime Domine,

Ad ea, quae scripsi septimo ante hunc die¹⁵, addam pauca, quae priores meas sententias confirment.

Liber scriptus hic contra electionem regis romani¹⁶ prodiit¹⁷, sed tamquam

14 Gedrukt Epist., p. 330. Geadresseerde, Sten Svantesson Bielke, was Zweeds gezant in Duitsland.

15 No. 3070.

16 Ferdinand III; hij was op 22 december 1636 tot Rooms koning gekozen.

17 Voor de titel van dit boek van Johannes Tilmanus zie men no. 2957, p. 90 n. 6.

[p. 309]

editus Hanoviae scriptoris celato nomine. Pari modo et quod est amplius in Anglia supprimitur liber magnus pro Palatini¹ jure scriptus².

Literae multis e locis affirmant Hispanum³ quovis modo impendioque id agere, ut Palatinatus ambo restituantur Dominis. Electoris titulum dari coeptum Galli nunc Palatino detrectant dare Bavarumque⁴, ut ante, respiciunt.

Multae hic de Brandesteinio⁵ fabulae mire animos turbant.

Dux Bernhardus⁶ Trecis in Campania haeret; proximus illi imperio Haillerius⁷ etiam nunc hic est: pro Germania comitatum Burgundiae petere dicuntur, Capellam eique vicina Valetta⁸.

Castellum illud, quod Hispanis unum in Margaritae insula restabat, die hujus mensis 12 in potestatem venit Gallorum. Putaturque altera Honorati, cujus aditus hosti difficiles faciunt partim abrupta partim classis Gallica, haud diu restitura.

Rhaetis castella, quae Galli tenebant, tradita sunt omnia, qui ea dejecturi putantur. Hac pactione impleta dimissus Rohanius⁹ in agro se tenet Bernate seque scriptis¹⁰ contra famae suae vulneratores tuetur recepturusque se creditur ad Venetos aulae huic se non audens credere. Hispani jus transeundi habebunt emptum XX millibus scutatorum annuis.

Pontifex¹¹ Romae factam regis Romani electionem confirmavit; id causae satis erit Gallis, ne quid in posterum ea de re mutiant.

De classe ab Anglis Palatino danda nihil sperare legati¹² nos jubent mutatis scilicet rebus.

Crequiacus¹³ in Italiam it, ubi Bremo timetur, ex quo et Cerbelloni¹⁴ copiae in eas venere partes compositis ex sententia Rhaeticis rebus.

Magni sunt in Petricoriis, Arvernis vicinisque locis motus rusticorum additis et nobilium nonnullis contra nova onera. Non mirum, si invenerit aemulos felix antehac paria molientium audacia, quibus pro poena immunitas parta est.

Comiti Suessionensi¹⁵ Sedani per triennium manere permissum est.

Hae nunc res erant, quas meliores faxit Deus teque, Illustrissime Domine, servet incolumem in rebus florentibus.

Lutetiae, 12/22 Maii 1637.

Illustrissimae Dominationi Tuae observantissimus eique addictissimus
H.Grotius.

1 Karl Ludwig van de Palts.

2 Zie p. 255 en de verwijzing in n. 18 aldaar.

3 Philips IV.

4 Maximiliaan I van Beieren.

5 Christoffer Carl, graaf van Brandenstein.

6 Bernhard, hertog van Saksen-Weimar.

7 François de l'Hospital, sieur du Hallier.

8 Louis de Nogaret d'Epernon de La Valette.

9 Henri, hertog van Rohan; hij had het bevel gevoerd over de Franse troepen in Graubünden en de Veltlin.

10 Voor dit manifest zie men Mercure François, tome XXI (1637), p. 294 vv.

11 Urbanus VIII.

12 John Scudamore en Robert Sidney, resp. ordinarius en extra-ordinarius Engels gezant te Parijs.

13 Charles Créquy de Blanchefort de Canaples.

14 Johann, graaf van Cerbellon.

15 Louis de Bourbon, graaf van Soissons.