Briefwisseling van Hugo Grotius. Deel 7

[p. 601]

2899. 1636 december 23. Aan Bernhard van Saksen-Weimar¹.

Excellentissime atque illustrissime princeps,

Ex colloquio D. Ponicae² magis magisque cognosco Celsitudinis Tuae animum erga rem Suedicam, praeterea ex literis ejusdem ad me Ionvella datis³ clementem in me benevolentiam. Pro hac gratias ago, quantas debeo, daboque operam, ne eo favore indignus unquam videar; de illo certiores faciam, ut et feci antehac eos⁴, quorum in manu est res Suedica, fructusque ejus amicitiae egregios a Deo optabo.

Novi nihil ferme est quod nunciem, cum de rebus Germanicis, quae nobis satis sunt prosperae, recentiora quam ego acceperit D. Ponica.

Literas a magno cancellario⁵ habui Stockholmia VIII Octobris veteris Calendarii⁶, ex quibus intelligo eum gravibus tum belli tum pacis deliberationibus in patria hanc certe hyemem detineri. Recepi et Stetino D. Stenonis Bielke⁷, legati Suedici, literas, XXII Octobris datas dicti Calendarii⁸, ex quibus cognosco majorem etiam, quam praedicata est, fuisse hostium cladem ad Witstochium, cum CLX (?) signa nostrorum in manum venerant, praeterea haud multo post a nostris Vetere Stetino egressis caesam partem hostilis equitatus, cui minor Burgstorfius⁹ praeerat apud Paitzum.

Pacis negotium lente promovetur ab Hispanis, qui tuti itineris literas, quales rex Galliae¹⁰ pro Hispanicis legatis¹¹ miserat, pro Gallicis mittere cunctantur, quod Bressaeo¹² cardinalis Lugdunensis¹³ suffectus sit, cavillantes.

Ratisbona quoque scribitur non multum et ibi properari. Si Deus armis Suedicis dederit, quales dare coepit, successus, id non exiguum erit tardis incitamentum. D. Feuquerius¹⁴ jam huc vocatus est, ut Coloniam eat; paratus est et Davausius¹⁵.

Deus cuncta haec ad optimum commune gubernet, idemque, Excellentissime atque Illustrissime princeps, T.C. fautor adsit.

Celsitudini Tuae ad omnia obsequia addictissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 108. Gedrukt Epist., p. 289.

2 Tobias von Ponikau, raad en gezant van hertog Bernhard.

3 Niet meer aanwezig.

4 Dit woord ontbreekt in de uitgave der Epist.

5 De Zweedse rijkskanselier Axel Oxenstierna.

6 No. 2802.

7 Betreffende Sten Bielke zie no. 2658, p. 241 n. 9.

8 Ontbreekt.

9 Georg Ehrentreich von Burgsdorf (1603-1656), jongere broer van Konrad von Burgsdorf (1595-1652).

10 Lodewijk XIII.

11 Zie voor hun namen no. 2864, p. 547 n. 5.

12 Urbain de Maillé, markies van Brezé.

13 Alphonse Louis du Plessis de Richelieu, kardinaal-aartsbisschop van Lyon, oudste broer van de eerste minister.

14 Manasse de Pas, markies van Feuquières.

15 Claude de Mesmes, graaf van Avaux.

Lutetiae, XIII/XXIII Decembris 1636.